இங்கிலாந்து தொடரிலிருந்து குசல் மெண்டிஸ் - பினுரா விலகல்!

Cricket Sri Lanka Sports

By Shalini Balachandran Sep 04, 2026 10:26 AM GMT

Shalini Balachandran

in சமூகம்

Report

இங்கிலாந்துக்கு எதிரான T20I தொடருக்கு முன்பாக இலங்கை கிரிக்கெட் அணிக்கு பெரும் பின்னடைவான சம்பவம் ஒன்று இடம்பெற்றுள்ளது.

இதன்படி இலங்கை அணியின் முன்னணி வீரர்களான குசல் மெண்டிஸ் மற்றும் பினுரா பெர்னாண்டோ ஆகியோர் காயங்கள் ஏற்பட்ட காரணமாக தொடரிலிருந்து தற்காலிகமாக விலகியுள்ளனர்.

2026 லங்கா பிரீமியர் லீக் (LPL) தொடரின் போது குசல் மெண்டிஸுக்கு வலது தொடை தசைநார் காயமும் பினுரா பெர்னாண்டோவுக்கு முதுகுப் பகுதியில் காயமும் ஏற்பட்டுள்ளது.

கிரிக்கெட் சபை

இந்த நிலையில் காயமடைந்த இரு வீரர்களும் தொடர் உடற்தகுதி மறுவாழ்வு சிகிச்சையில் ஈடுபட்டு வரும் நிலையில் இப்போட்டித் தொடருக்குள் அவர்களால் முழுமையாகக் குணமடையாமல் விளையாட முடியாத நிலை ஏற்பட்டுள்ளது.

இதனால் தொடரில் இருந்து காயமடைந்த இருவரும் விளையாட முடியாது என இலங்கை கிரிக்கெட் சபை அறிவித்துள்ளது.

இங்கிலாந்து தொடரிலிருந்து குசல் மெண்டிஸ் - பினுரா விலகல்! | Mendis Binura Out Of England T20I Series

அத்துடன் இலங்கை கிரிக்கெட் தேர்வுக்குழுவின் அறிவிப்பின்படிகுசல் மெண்டிஸுக்குப் பதிலாக பவன் ரத்நாயக்கவும்பினுரா பெர்னாண்டோவுக்குப் பதிலாக இடது கை வேகப்பந்து வீச்சாளர் தில்ஷான் மதுஷங்கவும் மாற்று வீரர்களாக அறிவிக்கப்பட்டுள்ளனர்.

மேலும் குசல் மெண்டிஸ் இந்த தொடரில் பங்கேற்காததால், இங்கிலாந்துக்கு எதிரான T20I தொடரில் இலங்கை அணியை சரித் அசலங்கா கேப்டனாக வழிநடத்துவார் என்றும் கூறப்படுகின்றது.

இலங்கை அணி, இங்கிலாந்து சுற்றுப்பயணத்தின் ஒரு பகுதியாக மூன்று போட்டிகள் கொண்ட T20I தொடரில் விளையாடவுள்ளதாக தெரிவிக்கப்பட்டுள்ளமை குறிப்பிடத்தக்கது.