ஹமாஸ் வீரர்களிடமிருந்து மூதாட்டியின் உயிரை காப்பாற்றிய லியோனல் மெஸ்ஸி
தன்னை கடத்த வந்த ஹமாஸ் வீரர்களிடம் பிரபல கால்பந்து வீரர் லியோனல் மெஸ்ஸியின் பெயரை சொல்லி இஸ்ரேலில் வசிக்கும் 90 வயது மூதாட்டி தப்பித்துள்ள சம்பவமானது தற்போது பேசுபொருளாகியுள்ளது.
இஸ்ரேல்-ஹமாஸ் போரானது கடந்த ஆண்டு ஒக்டோபர் மாதம் தொடக்கி தற்போது வரை தொடர்ந்து கொண்டிருக்கிறது.
பலஸ்தீனத்தின் ஹமாஸ் படையினர் முன்னெடுத்த இந்த தாக்குதலில், நூற்றுக்கணக்கான இஸ்ரேலியர்கள் மற்றும் வெளிநாட்டினரை பிணைக் கைதிகளாக ஹமாஸ் வீரர்கள் பிடித்து சென்றனர்.
கால்பந்து வீரர் மெஸ்ஸி
இதற்கு பதிலடி கொடுக்கவும், பிணைக் கைதிகளை மீட்கவும் இஸ்ரேலிய ராணுவம் காசாவிற்கு புகுந்து தாக்குதல் நடத்தி வருகிறது.
இந்நிலையில் கடந்த ஆண்டு ஒக்டோபர் 2ம் திகதி இஸ்ரேலியர்களை பிணைக் கைதிகளாக பிடித்து செல்ல ஹமாஸ் வீரர்கள் 90 வயது மூதாட்டி ஒருவரின் வீட்டிற்குள் சென்றுள்ளனர்.
அப்போது அந்த 90 வயது மூதாட்டி, ஹமாஸ் வீரர்களை பார்த்து “நான் அர்ஜென்டினாவை சேர்ந்தவர் என தெரிவித்துள்ளார். அதற்கு “அர்ஜெண்டினா என்றால் என்ன?” என ஹமாஸ் வீரர்களில் ஒருவர் கேள்வி எழுப்பியுள்ளார்.
புத்திசாலிதனமாக தப்பிய 90 வயது மூதாட்டி
அதற்கு மூதாட்டி “நீங்கள் கால்பந்து பார்ப்பீர்களா? அதில் வரும் கால்பந்து வீரர் மெஸ்ஸியின்(lionel-messi) ஊர் தான் என்னுடைய ஊர் என மூதாட்டி கூறியுள்ளார்.
இதையடுத்து அங்கிருந்த ஹமாஸ் வீரர் ஒருவர் தன்னிடம் இருந்த துப்பாக்கியை அவரிடம் கொடுத்துவிட்டு செல்ஃபி ஒன்றையும் எடுத்து விட்டு சென்றுள்ளார். இந்த தகவல் தற்போது சமூக வலைத்தளங்களில் வெளியாகி வேகமாக பரவி வருவது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
