மிலன்-கோர்டினா 2026... முதல் தங்கத்தை தட்டிச் சென்றது சுவிட்சர்லாந்து!

இத்தாலியில் தொடங்கியுள்ள “மிலன்-கோர்டினா 2026” குளிர்கால ஒலிம்பிக் போட்டியின் முதல் நாளில் சுவிட்சர்லாந்து அணி முதல் தங்கப் பதக்கத்தை வென்றுள்ளது.

இதனடிப்படையில் ஆண்களுக்கான “டவுன்ஹில்” பனிச்சறுக்கு போட்டியில் சுவிட்சர்லாந்தின் பிரான்ஜோ வான் ஆல்மென் தங்கப் பதக்கத்தைப் பெற்றுக்கொண்டார்.

அத்தோடு, இத்தாலிய வீரர்கள் வெள்ளி மற்றும் வெண்கலப் பதக்கங்களை வென்றுள்ளனர்.

ரஷ்யாவை உலுக்கிய கத்தி குத்து தாக்குதல்...! பல்கலையில் நடந்த கோர சம்பவம்

விளையாட்டு வீரர்கள் 

அதேவேளை, ஒலிம்பிக் கிராமத்தில் “நோரோவைரஸ்” தொற்று பரவி வருகின்றமை விளையாட்டு வீரர்கள் மத்தியில் கவலையை ஏற்படுத்தியுள்ளதாக தெரிவிக்கப்படுகின்றது.

சுவிட்சர்லாந்து மற்றும் ஃபின்லாந்து மகளிர் ஹாக்கி வீராங்கனைகள் சிலருக்குத் தொற்று உறுதி செய்யப்பட்டதால், நடைபெறவிருந்த கனடா மற்றும் ஃபின்லாந்து அணிகளுக்கு இடையிலான போட்டி எதிர்வரும் 12 ஆம் திகதிக்கு ஒத்திவைக்கப்பட்டுள்ளது.

போட்டிகளின் முதல் நாளிலேயே கனடா அணிக்குப் பெரும் பின்னடைவுகள் ஏற்பட்டுள்ளன.

ஈரானை நோக்கிப் பாயும் அமெரிக்கக் கடற்படை: ட்ரம்பின் அதிரடிப் போர் மிரட்டல்

இறுதிப் போட்டி

முன்னணி ஸ்னோபோர்டு வீரர் மார்க் மெக்மோரிஸ் விபத்துக்குள்ளாகி மருத்துவமனையில் அனுமதிக்கப்பட்டுள்ளதுடன், வீராங்கனை மெர்யெட்டா ஓ'டைன் காயம் காரணமாகத் தொடரிலிருந்து விலகியுள்ளார்.

மேலும், கலப்பு இரட்டையர் கர்லிங் போட்டியில் கனடா அணி கிரேட் பிரிட்டனிடம் 7-5 என்ற புள்ளிக் கணக்கில் தோல்வியடைந்துள்ளது.

இதனுடன், இஸ்ரேல் அணி மைதானத்திற்குள் நுழைந்த போதும், அமெரிக்கத் துணை ஜனாதிபதி ஜே.டி. வான்ஸ் உரையாற்றிய போதும் பார்வையாளர்கள் தரப்பிலிருந்து எதிர்ப்புத் தெரிவித்து கூச்சலிடப்பட்டதாக சர்வதேச ஊடகங்கள் செய்தி வெளியிட்டுள்ளன.

இருப்பினும், மகளிர் ஃப்ரீஸ்டைல் ஸ்கீயிங் தகுதிச் சுற்றில் இரண்டு கனடிய வீராங்கனைகள் இறுதிப் போட்டிக்குத் தகுதி பெற்றுள்ளமை குறிப்பிடத்தக்கது.

ரி20 உலககிண்ணம் : இந்தியாவிடம் வீழ்ந்தது அமெரிக்கா