ஜேர்மனியின் திரைவினியோக பட்டியலில் போராட்டம்: 20 திரையரங்குகளில் வெளியீடு
ஈழத் தமிழர்கள் சார்ந்த திரைத்துறைப்படைப்பில் ஒரு தனித்துவப்படம் என்ற பதிவை தனது முன்னோட்ட திரையிடல் நிகழ்வுகளின் பெற்ற போராட்டம் திரைப்படம் நாளை மறுதினம் 2 ஆந் திகதி இலங்கை மற்றும் புலம்பெயர் தமிழர்கள் வாழும் நாடுகளிலும் உலகளாவிய வெளியீடாக காட்சிக்கு வரவுள்ளது.
ஐபிசி தமிழ் குழுமத்தின் தலைவர் பாஸ்கரன் கந்தையாவின் தயாரிப்பில் ராஜ் சிவராஜ் இயக்கிய இந்த படத்தில் ரீகன் பாஸ்கரன் மற்றும் நிவேதிகா உட்பட்ட பலர் நடிகர்கள் நடித்துள்ளனர்.
இந்த திரைப்படம் ஐரோப்பாவின் ஜேர்மனி மற்றும் ஒஸ்ரியா ஆகிய நாடுகளில் உள்ள 20 திரையரங்குகளில் இந்தவார இறுதியில் திரையிடப்படுவது ஒரு முக்கிய விடயமாக பார்க்கப்படுகிறது.
போராட்டம் திரைப்படம்
போராட்டத்தின் சிறப்பு முன்னோட்ட திரையிடல்கள் ஏற்கனவே நடைபெற்றுவருகின்றன.
அந்தவகையில் கனடாவில் நேற்று மாலை ஒட்டாவா ஒர்லியன் திரையரங்கில் சிறப்புக் காட்சி இடம்பெற்றது.
லண்டனில் நாளை ஒக்ரோபர் முதலாம் திகதி ஹரோ மெத்ரோ சினிமாவில் இந்த திரைப்படத்தின் சிறப்புக்காட்சி தயாரிப்பாளர் பாஸ்கரன் கந்தையா நேரடி பிரசன்னத்துடன் திரையிடப்பட்டபின்னர் மறுநாளான 2 ஆந் திகதி இலங்கை மற்றும் புலம்பெயர் நாடுகளிலும் காட்சிக்கு வருகிறது.
இலங்கையில் யாழ்ப்பாணம் றீகல், மற்றும் ராஜா ,கொழும்பு மஜஸ்ரிக் தெமட்டக்கொடை றீகல் கல்முனை ஜி.பே வத்தளை ராம் வவுனியா வசந்தி கிளிநொச்சி சேரன் ஆகிய திரையரங்குகளிலும் இரண்டாந்திகதி திரையிடல் உள்ளது.
பிரித்தானியாவில் வேல்ஸ் கார்டிப் நகரின் ஓடியன் திரையரங்கில் எதிர்வரும் 3ஆம் திகதி மாலை 5 மணிக்கு ஒரு திரையிடல் இடம் பெறும் எனவும் அறிவிக்கப்பட்டுள்ளது.
ஜேர்மனியிலுள்ள மை கினோ பிளெக்ஸ் நிறுவனத்தில் விநியோகப் பட்டியலிலும் இடம்பெற்றுள்ளது.
பேர்லின், பிறிமன், எசன், ஹனோவர், முஞ்சன் ஸ்ருக்கார்த், வூபெற்றால் உட்பட பல நகரங்களில் போராட்ட திரையிடப்படும் என மை கினோ பிளெக்ஸ் குறிப்பிட்டுள்ளது.
கனடா பிரித்தானியா பிரான்ஸ் சுவிட்சர்லாந்து, நெதர்லாந்து, டென்மார்க், நோர்வே ஆகிய நாடுகளிலும் 2 ஆந் திகதி முதல் போராட்டம் திரைப்படம் வெளியாகவுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
