போலி களைநாசினிகளால் வீழ்ச்சியடையும் நெல் விளைச்சல்: ரவிகரன் எம்.பி கொந்தளிப்பு

Sri Lanka Thurairajah Raviharan Farmers Issues Sri Lankan Farmers

By Shalini Balachandran Oct 08, 2026 06:44 PM GMT

Shalini Balachandran

in சமூகம்

Report

Courtesy: Thavaseelan shanmugam

போலி களைநாசினிகளின் ஊடுருவல்கள் அதிகரித்திருப்பதால் நெற்செய்கை விளைச்சல் வீழ்ச்சியடைந்து விவசாயிகள் பாதிப்புக்களை எதிர்நோக்குவதாக வன்னிமாவட்ட நாடாளுமன்ற உறுப்பினர் துரைராசா ரவிகரன் சுட்டிக்காட்டியுள்ளார்.

எனவே நெல் விளைச்சலில் வீழ்ச்சியை ஏற்படுத்தும் போலி களைநாசிநிகளைக் கட்டுப்படுத்த அரசு விரைந்து நடவடிக்கை எடுக்கவேண்டுமெனவும் அவர் வலியுறுத்தியுள்ளார்.

நாடாளுமன்றில் நேற்று (07-10-2026) உரையாற்றும் போதே அவர் மேற்கண்டவாறு தெரிவித்துள்ளார்.

விற்கப்படும் களைநாசினி

இதுதொடர்பில் அவர் மேலும் கருத்துத் தெரிவிக்கையில், “மருந்தகங்களில் போலி மருந்துகளை ஆய்வு செய்து கட்டுப்படுத்தும் பொறிமுறையைப் போல நெற்செய்கையில் பயன்படுத்துவதற்காக கடைகளில் விற்கப்படும் களைநாசினிகளையும் ஆய்வுசெய்து கட்டுப்படுத்தும் பொறிமுறை இலங்கையில் மேலும் முறைப்படுத்தப்பட வேண்டும்.

போலி களைநாசினிகளால் வீழ்ச்சியடையும் நெல் விளைச்சல்: ரவிகரன் எம்.பி கொந்தளிப்பு | Mp Ravikaran Urges Action On Fake Weedkillers

விவசாயிகள் விலைக்கு வாங்கிப் பயன்படுத்தும் களைநாசினிகளிலும் போலி களைநாசினிகளின் கலப்படம் இருப்பதால் நெற்செய்கையின் விளைச்சலும் பாதிக்கப்படுவதாக விவசாயிகள் முறையிடுகின்றனர்.

எனவே இவ்வாறான போலி மருந்துகளின் கட்டுப்பாடு தொடர்பிலும் அரசு தகுந்த பொறிமுறை ஒன்றை வகுக்கவேண்டும் எனக் கேட்டுக்கொள்கின்றேன்” என அவர் தெரிவித்துள்ளார்.