என் மீது துப்பாக்கிசூடு நடத்த காரணம் இதுதான்..! பிரேமரத்ன எம்.பி சுட்டிக்காட்டு
தற்போது நாட்டில் நிலவும் முறைமையே, தன் மீது துப்பாக்கிச் சூடு நடத்தப்பட்டதற்கு காரணம் என நாடாளுமன்ற உறுப்பினர் உத்திக பிரேமரத்ன தெரிவித்துள்ளார்.
இன்றைய தினம் இட்டம்பெற்ற நாடாளுமன்ற அமர்விலேயே அவர் இவ்வாறு கூறியுள்ளார்.
இது குறித்து அவர் மேலும் தெரிவிக்கையில், அண்மையில் தனது இல்லத்திற்கு வெளியே துப்பாக்கிச் சூடு நடத்தப்பட்டதன் பின்னணியில் இந்த அமைப்பு தான் காரணம் என தாம் நம்புகின்ற அதேவேளை, நாடு இன்று இந்த நிலையில் இருப்பதற்கு அதுவே காரணம் எனவும் தெரிவித்தார்.
துப்பாக்கிச் சூடு
“யார் துப்பாக்கிச் சூடு நடத்தினார்கள் என்பதை விட, தற்போதுள்ள அமைப்புதான் அந்தத் தாக்குதல் நடத்தப்பட்டது என்று நினைக்கிறேன்.
இந்த முறை சரியில்லை என்பது நம் அனைவருக்கும் தெரியும். இந்த முறை தவறானது என்பது நம் நாட்டு மக்களுக்கு தெரியும். நமது சமூக அமைப்பு தவறானது, நமது அரசியல் தவறானது. இந்தக் கறையால்தான் இன்று நாடு இந்த நிலைக்குத் தள்ளப்பட்டுள்ளது” என தெரிவித்துள்ளார்.
கடந்த 17 ஆம் திகதி சுமார் 10:35 மணியளவில் பிரேமரத்ன அநுராதபுரத்தில் உள்ள அவரது இல்லத்திற்குத் திரும்பிய உடனேயே அடையாளம் தெரியாத ஆயுததாரிகள் குழுவொன்று பிரேமரத்னவின் கார் மீது துப்பாக்கிச் சூடு நடத்தியுள்ளனர்.
சம்பவம் குறித்து தகவல் கிடைத்தவுடன் அனுராதபுரம் காவல்துறையினர் விசாரணைகளை ஆரம்பித்ததுடன், அவரது வீட்டிற்கு அருகில் பாதுகாப்பை பலப்படுத்த விசேட அதிரடிப்படையினர் (STF) ஈடுபடுத்தப்பட்டனர்.
பின்னர், இது தொடர்பான விசாரணைகள் குற்றப் புலனாய்வுப் பிரிவினரிடம் ஒப்படைக்கப்பட்டது.
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
