கட்சி சார்ந்தவர்களுக்கு நினைவேந்தல் முற்றம் இல்லை - திட்டவட்டமாக அறிவிப்பு

Mullaitivu Mullivaikal Remembrance Day

By Vanan May 05, 2022 04:43 PM GMT

Vanan

in இலங்கை

Report

கட்சி சார்ந்தவர்களுக்கு நினைவேந்தல் முற்றம் இல்லை எனவும் நினைவேந்தல் கட்டமைப்பின் நினைவேந்தலுக்கு உடன்பாடு எனவும் கரைதுறைப்பற்று பிரதேச சபையின் சாளர் கமலநாதன் விஜிந்தன் கூறியுள்ளார்.

முல்லைத்தீவு மாவட்டத்தின் கரைதுறைப்பற்று பிரதேச சபையின் மாதாந்த அமர்வு இன்று பிரதேச சபையின் தவிசாளர் கமலநாதன் விஜிந்தன் தலைமையில் இடம்பெற்றது.

இன்றைய சபை சபை அமர்வில் வற்றாப்பளை கண்ணகி அம்மன் ஆலய வருடாந்த உற்சவத்தின் வாகன தரிப்பிடம் வழங்குவது தொடர்பாகவும் மற்றும் பிரதேச சபையினால் அறவிடப்படும் கட்டணங்களில் திருத்தங்கள் தொடர்பிலும் வருகின்ற முள்ளிவாய்க்கால் நினைவேந்தல் நிகழ்வு தொடர்பில் பல்வேறு கருத்துக்கள் முன்வைக்கப்பட்டன.

இதன் அடிப்படையில் வற்றாப்பளை கண்ணகி அம்மன் ஆலயத்தின் வருடாந்த பொங்கல் உற்சவ வாகனத் தரிப்பிடத்திற்கு அறவிடப்படுகின்ற கட்டணங்கள் தொடர்பில் தீர்மானம் முன்னெடுக்கப்பட்டிருந்தது.

கட்சி சார்ந்தவர்களுக்கு நினைவேந்தல் முற்றம் இல்லை - திட்டவட்டமாக அறிவிப்பு | Mullivaikal Memorial In 2022

அதனை தொடர்ந்து பிரதேச சபை தற்போதைய எரிபொருள் மற்றும் மின்சார நெருக்கடிகளுக்கு மத்தியில் தங்களால் வழங்குகின்ற சேவைகள் தொடர்பிலான கட்டணங்களை அதிகரித்தல் தொடர்பிலும் கலந்துரையாடப்பட்டது. தொடர்ந்து முள்ளிவாய்க்கால் நினைவேந்தல் நிகழ்வு தொடர்பிலும் கருத்துக்கள் முன்வைக்கப்பட்டது.

குறிப்பாக இந்த முறை முள்ளிவாய்க்கால் நினைவேந்தல் நிகழ்வினை நினைவேந்தல் கட்டமைப்பு செய்ய வேண்டும் எனவும் அதற்கான ஒத்துழைப்புக்களை பிரதேச சபை வழங்க வேண்டும் எனவும் பல்வேறு தரப்பினரும் இதன்போது கருத்துக்களை முன்வைத்திருந்தனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்