கிளியோபாட்ராவின் கல்லறையை தேடும்பணியில் புதிய திருப்பம் !
Kathirpriya
in தொழில்நுட்பம்
பண்டைய எகிப்து ராணி கிளியோபாட்ராவின் கல்லறையை தேடும்பணியில் புதிய திருப்பமாக பழமையான சுரங்கப்பாதை ஒன்று ஆய்வாளர்களால் கண்டுபிடிக்கப்பட்டுள்ளது.
சாண்டோ டொமிங்கோ பல்கலைகழகத்தைச் சேர்ந்த கேத்லீன் மார்டினெஸ் தலைமையிலான ஆய்வுக்குழுவே இந்த சுரங்கப்பாதையினை கண்டுபிடித்துள்ளனர், எகிப்து கரையில் அமைந்துள்ள தபோசிரிஸ் மேக்னாவில் இருக்கும் இந்த சுரங்கப்பாதையை வடிவியல் அதிசயம் என்றும் ஆய்வுக்குழு குறிப்பிட்டுள்ளனர்.
கி.மு. 6 ஆம் நூற்றாண்டில் கட்டப்பட்டதாக கருதப்படும் இந்த சுரங்கப்பாதையானது கோயிலின் கீழ் அமைந்துள்ளது மாத்திரமல்லாது சுமார் 1305 மீட்டர் நீளம் கொண்டதாக அமைந்துள்ளது.
நீரில் மூழ்கியுள்ளது
மணற்கற்களால் செதுக்கப்பட்டுள்ள இந்த சுரங்கப்பாதையானது, கிரேக்க தீவான சமோஸில் உள்ள புகழ்பெற்ற யூபலினோஸ் சுரங்கப்பாதையை ஒத்திருப்பதாகவும் ஆய்வாளர்கள் தெரிவித்துள்ளனர்.
மேலும், இந்த சுரங்கப்பாதையை ஆய்வு செய்த ஆராய்ச்சியாளர்கள் அது ஒரு மாபெரும் வடிவியல் அதிசயம் என்று தெரிவித்துள்ளனர், அது ஒரு பழமையான சுரங்கப்பாதையாக உள்ள போதிலும் அது உருவாக்கப்பட்டதன் நோக்கம் என்னவென்று இன்றுவரை அறியப்படவில்லை என்றும் ஆராய்ச்சியாளர்கள் தெரிவித்துள்ளனர்.
டபோசிரிஸ் மேக்னா சுரங்கப்பாதை யூபனாலினோஸின் கட்டுமான அமைப்புகளை இந்த சுரங்கப்பாதை கொண்டுள்ளதாக ஆராய்ச்சியாளர்கள் தெரிவிக்கின்ற அதேவேளை, அதன் சில பகுதிகள் யூபனாலினோஸ் சுரங்கப்பாதையை போலவே நீரில் மூழ்கியுள்ளதாகவும் கூறுகின்றனர்.
ஆனால் இதில் எழுந்துள்ள சிக்கல் என்னவென்றால், இந்த சுரங்கப்பாதை உருவாக்கப்பட்டதன் நோக்கம் என்னவென்று தெரியவில்லை என்பதாகும்.
கிளியோபாட்ராவின் கல்லறை
கடந்த 2004 ஆம் ஆண்டு முதல் கிளியோபாட்ராவின் கல்லறையை தேடும் பணிகள் நடைபெற்று வந்தாலும் இந்த சுரங்கப்பாதை ஒரு சிறந்த கண்டுபிடிப்பு என்று மார்டினெஸ் நம்புகிறார்.
கி.மு 230-ல் கட்டப்பட்ட இந்த கோயில் கிளியோபாட்ராவுக்கு தொடர்புடைய அசோரிஸ் மற்றும் ஐசிஸ் கடவுள்களுக்கு அர்ப்பணிக்கப்பட்டுள்ளது மாத்திரமல்லாமல் இந்தக் கோயிலை இன்னும் முழுமையாக காண முடியவில்லை என்றும் அதன் காரணம், அதன் ஒரு பகுதி மத்தியதரைக் கடலில் உள்ளது என்றும் ஆய்வாளர்கள் தெரிவித்துள்ளனர்.
கி.பி 320 மற்றும் 1303-க்கு இடைப்பட்ட காலக்கட்டத்தில் அலைகள் காரணமாக அதன் பெரும்பாலான பகுதிகள் அழிக்கப்பட்டிருக்கலாம் எனவும் ஆய்வாளர்கள் சந்தேகிக்கின்றனர்.
இந்த சுரங்கப்பாதைகளில் கிளியோபாட்ராவின் கல்லறை உள்ளதா என்பதை கண்டறிய மரியாவுட் ஏரிக்கும், மத்தியதரைக் கடலுக்கும் இடையே உள்ள சுரங்கங்ளில் தேடும் பணி நடைபெற்று வருவதும் குறிப்பிடத்தக்க விடயமாகும்.
ரணிலின் கைதும் இந்தியாவின் மௌனத்திற்கான பின்புலமும் 2 நாட்கள் முன்
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025
புலோலி தெற்கு, கிளிநொச்சி, Bandarawela, கொழும்பு, Erkelenz, Germany, Madoc, Canada, Markham, Canada
06 Sep, 2024