நாகப்பட்டினம் - காங்கேசன்துறை கப்பல் சேவை ஆரம்பமாகும்: இந்தியா உறுதி

Jaffna Sri Lanka India Rameswaram Ship

By Shadhu Shanker Feb 19, 2024 03:06 AM GMT

Shadhu Shanker

in சமூகம்

Report

நாகப்பட்டினம் - காங்கேசன்துறை கப்பல் சேவை எதிர்வரும் வாரங்களில் ஆரம்பமாகுமென இலங்கைக்கான இந்திய உயர்ஸ்தானிகர் சந்தோஸ் ஜா தெரிவித்துள்ளார்.

தலைமன்னார் மற்றும் ராமேஸ்வரம் இடையே பயணிகள் கப்பல் சேவையை மீண்டும் தொடங்குவதற்கான முயற்சிகள் மேற்கொள்ளப்பட்டு வருவதாகவும் மேலும் குறிப்பிட்டார்.

சந்தோஸ் ஜா, காங்கேசன்துறை துறைமுகம் மற்றும் தலைமன்னார் கடற்பகுதிக்கு விஜயம் செய்த போது, இரு நாடுகளுக்கிடையிலான கப்பல் சேவைகளை துரிதமாக மீள ஆரம்பிக்க வேண்டியதன் அவசியத்தையும் எடுத்துரைத்துள்ளார்.

கப்பல் சேவை ஆரம்பம்

இந்தியாவின் நாகப்பட்டினம் துறைமுகத்தில் இருந்து இலங்கையின் - காங்கேசன்துறைக்கு இடையிலான பயணிகள் கப்பல் போக்குவரத்து சேவை ஒக்டோபர்(17)ஆரம்பமாகியது.

நாகப்பட்டினம் - காங்கேசன்துறை கப்பல் சேவை ஆரம்பமாகும்: இந்தியா உறுதி | Nagapattinam Kangesanthurai Ferry Service Started

பின்னர் இச்சேவையானது, நிறுத்திவைக்கப்பட்டு ஆரம்பமாகி மீண்டும் நிறுத்தி வைக்கப்பட்டுள்ளது. இந்நிலையில் சந்தோஸ் ஜா இவ்வாறு நம்பிக்கை வெளியிட்டுள்ளார்.

இலங்கையின் வடக்கு மாகாணத்திற்கு பெப்ரவரி 15 முதல் 17 வரை இந்திய உயர்ஸ்தானிகர் சந்தோஸ் ஜா உத்தியோகபூர்வ விஜயத்தை மேற்கொண்டிருந்தார்.

இருதரப்பு பொருளாதாரம்

இந்த விஜயத்தின் போது, அவர் பங்கேற்ற பல்வேறு நிகழ்வுகள், வடக்கு மாகாணத்துடனான இருதரப்பு உறவுகளை ஆழப்படுத்துவதற்கான இந்தியாவின் உறுதியான அர்ப்பணிப்பை உறுதிப்படுத்தியதாக உயர்ஸ்தானிகராலயம் ஒரு அறிக்கையில் குறிப்பிடப்பட்டுள்ளது.

india srilanka santhosh jha

இந்த நிலையில் 2023 ஜூலையில் வெளியிடப்பட்ட இருதரப்பு பொருளாதார பங்காளித்துவ தொலைநோக்கு ஆவணத்தின் மையக் கருப்பொருளான இணைப்பு முயற்சிகளை மேலும் முன்னெடுப்பதற்கு உயர்ஸ்தானிகர் இந்த பயணத்தின்போது விசேட கவனம்செலுத்தியுள்ளார் என்றும் உயர்ஸ்தானிகரகம் தெரிவித்துள்ளதுள்ளமை குறிப்பிடத்தக்கது.