290ஆவது வருட நெற்புதிர் அறுவடை காணும் நல்லூரான்!
வரலாற்றுச் சிரப்புமிக்க நல்லூர் கந்தன் ஆலயத்தின் 290ஆவது ஆண்டின் நெற்புதிர் அறுவடை நிகழ்வு இடம்பெற்றதாக ஆலய நிர்வாகம் தெரிவித்துள்ளது.
அதன்படி, இன்று (24) காலை நல்லூர் கந்தன் ஆலயத்தின் நெற்புதிர் அறுவடை நிகழ்வு இடம்பெற்றுள்ளது.
தைப்பூச தினத்துக்கு முதல் நாள் கொண்டாடப்படும் 'புதிர் தினம்' எனும் பாரம்பரிய நிகழ்வில் கோவில் அறங்காவலரும், சிவாச்சாரியாரும் முதலாவது புதிரை அறுவடை செய்ய ஆலயத்துக்கு சொந்தமான மறவன்புலவில் உள்ள வயலுக்கு செல்வார்கள்.
நெற்புதிர் அறுவடை
அந்த வயலில் பூஜை வழிபாடுகளில் ஈடுபட்டு நெற் புதிரை அறுவடை செய்வார்கள்.
பின்னர் அறுவடை செய்த நெல்லில் இருந்து அமுது தயாரித்து நல்லூரானுக்கு படையல் செய்து பூசைகள் செய்து நெற்புதிர் அறுவடை நிகழ்வினை செய்வது வழக்கம்.
அந்த பாரம்பரிய வழக்கத்தை பழமை மாறாமல் இம்முறையும் (2024) படையல் மற்றும் பூசைகளை ஆலய நிர்வாகம் செய்துள்ளது.
கோயிலின் மரபு
பூசை வழிபாடுகளைத் தொடர்ந்து பக்தர்களுக்கும் அமுது வழங்கப்பட்டது.
இவ்வழிபாட்டு முறை அக்கோயிலின் மரபாக பண்பாட்டு விழாவாக பேணப்பட்டு வரும், இப்புதிர் விழா 290ஆவது ஆண்டாக இவ்வருடம் (2024) கொண்டாடப்படுகின்றமை குறிப்பிடத்தக்கது.
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
