12 ஆம் திகதிக்கு முன்னர் நாமல் ராஜபக்ச கைது : அவரே வெளியிட்ட தகவல்

Namal Rajapaksa Sri Lanka Podujana Peramuna Arrest

By Jaso Sep 01, 2026 11:49 AM GMT

Jaso

in அரசியல்

Report

எதிர்வரும் 12ஆம் திகதி அனுராதபுரத்தில் நடைபெறவுள்ள மக்கள் பேரணிக்கு முன்னர் தன்னைக் கைது செய்ய அரசாங்கம் முயன்று வருவதாக நாடாளுமன்ற உறுப்பினர் நாமல் ராஜபக்ச தெரிவித்துள்ளார்.

சிறிலங்கா பொதுஜன பெரமுன தலைமையகத்தில் நடைபெற்ற ஊடக சந்திப்பில் அவர் இதனைத் தெரிவித்தார்.

12ஆம் திகதி அனுராதபுரத்திற்கு மக்கள் கூட்டம் வருவதைத் தடுப்பதற்காக, அரசாங்கம் ஒரு பெரும் ஒடுக்குமுறையைத் தொடங்கியுள்ளதாகவும், தன்னைச் சிறையில் அடைக்க அரசாங்கம் தயங்காது என்றும் அவர் கூறினார்.

ராஜபக்சக்களின் பாரம்பரிய உடை

ஜேவிபி-யின் அரசியல் பாணியை விமர்சித்த அவர், கொலை அல்லது தீவைப்பு மூலம் ஒருபோதும் அதிகாரத்தைக் கைப்பற்ற முயற்சிக்க மாட்டேன் என்று வலியுறுத்தினார்.

12 ஆம் திகதிக்கு முன்னர் நாமல் ராஜபக்ச கைது : அவரே வெளியிட்ட தகவல் | Namal Inside Before The 12Th

மேலும், ராஜபக்சக்களின் பாரம்பரிய உடையான 'சால்வை' குறித்த விமர்சனங்களுக்குப் பதிலளித்த அவர், தேர்தலில் வெற்றி பெற்ற பிறகு தங்கள் ஆடைகளை மாற்றிக்கொள்ளும் அரசியல்வாதிகளைப் போலல்லாமல், தனது அடையாளத்தையோ அல்லது பாரம்பரிய உடையையோ ஒருபோதும் மாற்றிக்கொள்ள மாட்டேன் என்றும் கூறினார்.

கடுமையான மன அழுத்தத்தில் நீதி அமைச்சர்

"சிலர் வெற்றிபெறும்போது ஒரு விதமாகவும், தோல்வியடையும்போது மற்றொரு விதமாகவும் நடந்துகொள்கிறார்கள். மக்கள் எதிர்ப்பு இருக்கும்போது, அவர்கள் வேறுவிதமாக நடந்துகொள்கிறார்கள். ஆனால் நாங்கள் எங்கள் அடையாளத்தைப் பாதுகாத்துக்கொண்டு நேர்மையாக அரசியல் செய்கிறோம். எனவே, எங்கள் பாணியைக் களைவது எளிதல்ல," என்று நாடாளுமன்ற உறுப்பினர் குறிப்பிட்டார்.

அரசியலமைப்பின் 22வது திருத்தம் அரசாங்கத்தின் தனிப்பட்ட நலன்களின் அடிப்படையில் செயல்படுத்தப்படுகிறது என்று கூறினார். இதன் காரணமாக நீதி அமைச்சர் கூட கடுமையான மன அழுத்தத்தில் இருக்கிறார் என்றும், அதனால்தான் அவர் சமீபகாலமாக ஊடகங்களுக்கு முன்னால் தோன்றவில்லை என்றும் நாமல் ராஜபக்ச சுட்டிக்காட்டினார்.