காட்டு யானை தாக்கியதில் கடற்படை அதிகாரி பரிதாபமாக உயிரிழப்பு
வவுனியாவில் (Vavuniya) காட்டு யானையின் தாக்குதலுக்குள்ளான கடற்படை அதிகாரி ஒருவர் உயிரிழந்துள்ளதாக பூனாவ காவல்துறையினர் தெரிவித்துள்ளனர்.
பணி நிமித்தமாக கொழும்புக்கு (Colombo) சென்று விட்டு திரும்பிய அதிகாரி பேருந்தில் இருந்து இறங்கி முகாமிற்கு சென்று கொண்டிருந்த போது நேற்று இரவு (29) யானை தாக்கியதாக காவல்துறையினர் குறிப்பிட்டனர்.
பூனாவ கடற்படை முகாமில் கடமையாற்றிய மத்தலான, நிட்டம்புவவில் வசிக்கும் கடற்படை வீரரான லெப்டினன்ட் தர அதிகாரியே யானை தாக்கியதில் இவ்வாறு உயிரிழந்துள்ளார்.
வவுனியா வைத்தியசாலையில் அனுமதி
யானையின் தாக்குதலால் பலத்த காயம் அடைந்த அவரை, கடற்படையினர் மற்றும் உள்ளூர் மக்கள் இணைந்து வவுனியா வைத்தியசாலைக்கு கொண்டு சென்றனர்.
வவுனியா பொது வைத்தியசாலையில் அனுமதிக்கப்பட்ட போது கடற்படை அதிகாரி உயிரிழந்துள்ளதாக காவல்துறையினர் தெரிவித்தனர்.
உயிரிழந்தவரின் மரணம் தொடர்பான நீதவான் விசாரணைகளின் பின்னர் வவுனியா பொது வைத்தியசாலையில் பிரேத பரிசோதனை நடாத்தப்படவுள்ளது.
இந்த நிலையில் பூனாவ காவல்துறையினர் மேலதிக விசாரணைகளை மேற்கொண்டு வருகின்றமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
