தரம் ஒன்று மாணவர்கள் தொடர்பில் வெளியாகவுள்ள புதிய சுற்றறிக்கை!
அரச பாடசாலைகளில் தரம் ஒன்றுக்கு மாணவர்களை அனுமதிப்பது தொடர்பான புதிய சுற்றறிக்கை நாளை (24) வெளியிடப்படவுள்ளது.
ஏற்கனவே வெளியிடப்பட்ட சுற்றறிக்கையில் உள்ள குறைபாடுகளை நிவர்த்தி செய்து, கல்வியில் மாணவர்களுக்கான சம வாய்ப்புகளை உறுதிப்படுத்தும் வகையில் குறித்த சுற்றறிக்கை திருத்தியடைக்கப்படவுள்ளதாக தெரிவிக்கப்பட்டுள்ளது.
கல்வி அமைச்சர் சுசில் பிரேமஜயந்தவினால் (Susil Premajayantha) முன்வைக்கப்பட்ட சுற்றறிக்கைக்கு கடந்த 20 ஆம் திகதி அமைச்சரவை அங்கீகாரம் வழங்கியது.
பாடசாலை அனுமதி
பிறப்புச் சான்றிதழ் இல்லாவிட்டாலும், ஏற்றுக் கொள்ளக்கூடிய வயதை உறுதிப்படுத்தும் ஆவணங்கள் இருந்தால், அந்தக் குழந்தைக்கு எந்தவித அநீதியும் ஏற்படாத வகையில் பாடசாலைகளுக்கு சேர்க்கப்பட வேண்டும் என அந்த சுற்றறிக்கையில் கூறப்பட்டுள்ளது.
சுற்றறிக்கையின் பிரிவு 2.1, சில ஏற்றுக்கொள்ளக்கூடிய சான்றுகள் மூலம், பிறப்புச் சான்றிதழ் இல்லாத மற்றும் ஐந்து வயதுக்கு குறைவான மற்றும் வயதுச் சான்றிதழை வழங்கும் குழந்தைகள் நியாயமற்ற அல்லது பாரபட்சமாக நடத்தப்படக்கூடாது என்று கூறுகிறது.
இந்த நிலையில், நாளை வெளியாகவுள்ள புதிய சுற்றறிக்கையின்படி, விண்ணப்பதாரர்கள் முறைகேடுகள் செய்ய முடியாது என குறிப்பிடப்பட்டுள்ளது.
அத்துடன், பல்வேறு யோசனைகள் மற்றும் ஆலோசனைகளை கருத்திற் கொண்டு ஏற்கனவே வெளியிடப்பட்ட சுற்றறிக்கைகளின் குறைபாடுகளை நிவர்த்தி செய்யும் வகையில் மேலும் பல திருத்தங்கள் மேற்கொள்ளப்பட்டுள்ளதாக கல்வி அமைச்சின் பேச்சாளர் ஒருவர் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் மேற்கு, வவுனியா, Milton Keynes, United Kingdom
17 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
