அளவில் சிறிய, அதிசய தோற்றம் கொண்ட புதிய தேளினம் கண்டுபிடிப்பு.... எங்கு தெரியுமா!
எண்ணிலடங்கா உயிரினங்கள் வாழும் இந்தப் பூமியிலே இன்றளவும் பல்வேறு உயிரினங்கள் கண்டுபிடிக்கப்படுகிறது அந்த வரிசையில் தற்போது புதிய வகையான தேள் இனமொன்று கண்டுபிடிக்கப்பட்டுள்ளதாக தகவல்கள் வெளியாகியுள்ளன.
ஆய்வுகளின்படி தாய்லாந்தின் ஃபெட்சாபுரி (Phetchaburi) மாகாணத்தில் உள்ள கேங் கிராச்சன் தேசிய பூங்காவிலேயே (Kaeng Krachan National Park) ஆய்வாளர்கள் ஒரு புதிய வகையான தேள் இனத்தினை கண்டறிந்துள்ளனர்.
இந்த தேளினம் 8 கண்கள் மற்றும் 8 கால்கள் கொண்டு சாதாரண தேள்களை விட சிறிய அளவில் இருக்கும் ஒரு புதிய வகை இனமாக அடையாளம் காணப்பட்டுள்ளதாக ஆய்வாளர்கள் கூறியிருக்கிறார்கள்.
பழுப்பு நிற உயிரினங்கள்
இந்த புதிய தேள் இனம் யூஸ்கோபியோப்ஸ் (Euscopiops) என்ற துணைப்பிரிவிற்குள் அடக்கப்பட்டுள்ளது, மேலும் இந்தப் புதிய தேள் இனம் கண்டுபிடிக்கப்பட்ட தாய்லாந்தின் தேசிய பூங்காவிற்கு Euscorpiops Krachan என்று தற்போது பெயரிடப்பட்டு அழைக்கப்படுவதாகவும் கூறப்படுகிறது.
பாறைகளுக்கு அடியில் முடியுடன் கூடிய பழுப்பு நிற உயிரினங்கள் சில இருப்பதை கண்ட ஆய்வாளர்கள் உயிரினங்களின் நிறம் பாறையின் நிறத்துடன் ஒத்திருந்ததால் முதல் பார்வையில் அவற்றை வேறுபடுத்தி பார்ப்பதே மிக கடினமாக இருந்ததாக குறிப்பிட்டுள்ளனர்.
இந்த உயிரினத்திற்கு 8 கால்களும் 8 கண்களும் இருந்ததை கண்டு ஆய்வாளர்கள் மிகவும் அதிர்ச்சியடைந்ததாகவும் கூறியுள்ளனர்.
புதிய தேளினம்
ஒருசில ஆய்வுகளுக்கு பிறகு இந்த புதிய வகை உயிரினம் ஒரு புதிய வகை தேள் என்பதை ஆய்வாளர்கள் கண்டுபிடித்துள்ளனர். இதனை தொடர்ந்து இந்த புதிய வகை தேளுக்கு கேங் கிரச்சன் ஸ்கார்பியன் என்று பெயரிடப்பட்டுள்ளது.
இந்த புதிய தேளினம் 1 அங்குல நீளமுடையது மாத்திரமல்லாமல் அவற்றின் தோலில் முடி காணப்படுவதாக ஆய்வாளர்கள் கூறியிருக்கிறார்கள்.
இந்த விவரங்கள் அந்த உயிரினத்தின் உடலின் வடிவத்துடன் மட்டுமே அடையாளம் காணப்பட்டுள்ளது என்றும், இந்த தேள் வகையின் DNA பகுப்பாய்வு குறித்த தகவல் இன்னும் தெரிவிக்கப்படவில்லை என்றும் ஆய்வாளர்கள் குறிப்பிட்டுள்ளனர்.
மேலும் இந்த ஸ்கார்பியோப்ஸ் இனத்தைச் சேர்ந்த மற்ற தேள்கள் பாறைகளுக்கு அடியில் பதுங்கி இருந்து வேட்டையாடும் இயல்பைக் கொண்டிருப்பதாகவும் ஆய்வுகளில் கண்டுபிடிக்கப்பட்டுள்ளதாக கூறப்படுகின்றது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
Sea Port Estate, Malaysia, Petaling Jaya, Malaysia, Montreal, Canada, Scarborough, Canada, Oakville, Canada
11 Sep, 2026
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
நெடுந்தீவு, யாழ்ப்பாணம், சிங்கப்பூர், Singapore, நியூஸ்லாந்து, New Zealand
13 Sep, 2021
சரசாலை வடக்கு, சுவிஸ், Switzerland, England, United Kingdom
14 Sep, 2020
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
