முன்னாள் ஜனாதிபதிகளின் பாதுகாப்பு நீக்கப்பட்டதா..! காவல்துறை விளக்கம்
முன்னாள் ஜனாதிபதிகளின் பாதுகாப்பு ஏற்பாடுகளில் எவ்வித மாற்றமும் செய்யப்படாத நிலையில், அமைச்சர்கள் உள்ளிட்ட முன்னாள் நாடாளுமன்ற உறுப்பினர்களின் பாதுகாப்பிற்காக நியமிக்கப்பட்டிருந்த காவல்துறை அதிகாரிகளே மீள அழைக்கப்பட்டுள்ளதாக காவல்துறை திணைக்களம் நேற்று (29) தெளிவுபடுத்தியுள்ளது.
முன்னாள் எதிர்க்கட்சித் தலைவர் சஜித் பிரேமதாச (Sajith Premadasa), நாடாளுமன்ற சபாநாயகர் மஹிந்த யாப்பா அபேவர்தன(mahinda yapa abewardena) மற்றும் பிரதி சபாநாயகர் அஜித் ராஜபக்ச (Ajith Rajapaksa) தவிர்ந்த முன்னாள் எம்.பி.க்களைப் பாதுகாக்கும் காவல்துறை உத்தியோகத்தர்கள் காவல்துறை திணைக்களத்தினால் மீள அழைக்கப்பட்டுள்ளதாக அண்மையில் தகவல்கள் வெளியாகியிருந்தன.
பாதுகாப்பு ஏற்பாடுகளில் ஏதேனும் மாற்றம்
முன்னாள் ஜனாதிபதிகளின் பாதுகாப்பு ஏற்பாடுகளில் ஏதேனும் மாற்றம் ஏற்பட்டுள்ளதா அல்லது அவர்களின் பாதுகாப்பிற்காக நியமிக்கப்பட்டுள்ள காவல்துறை உத்தியோகத்தர்களின் எண்ணிக்கையில் குறைப்பு ஏற்பட்டுள்ளதா என காவல்துறை ஊடகப் பேச்சாளரும் பிரதி காவல்துறை மா அதிபருமான நிஹால் தல்துவா தெரிவிக்கையில்,
முன்னாள் ஜனாதிபதிகளின் பாதுகாப்பு, "அவர்களுக்கான பாதுகாப்பு நடவடிக்கைகள் மற்றும் நிறுத்தப்பட்ட காவல்துறை அதிகாரிகளின் எண்ணிக்கை அப்படியே உள்ளது.
முன்னாள் ஜனாதிபதிகளுக்கான பாதுகாப்பு ஒதுக்கீடுகள் சம்பந்தப்பட்ட காவல்துறை பிரிவினால் நடத்தப்படும் அச்சுறுத்தல் மதிப்பீட்டின் மூலம் தீர்மானிக்கப்படுவதாக அவர் மேலும் விளக்கினார்.
ஒவ்வொரு முன்னாள் ஜனாதிபதியின் பொது நடவடிக்கைகளின் மட்டத்தைப் பொறுத்து அவர்களின் பாதுகாப்பிற்கு நியமிக்கப்பட்டுள்ள அதிகாரிகளின் எண்ணிக்கை மாறுபடலாம் என்றும் அவர் கூறினார்.
அதிகாரிகளின் எண்ணிக்கை மாறுபடலாம்
உதாரணமாக, முன்னாள் ஜனாதிபதி சந்திரிகா பண்டாரநாயக்க குமாரதுங்க குறைவான செயற்பாட்டில் இருக்கும்போது, மற்ற முன்னாள் ஜனாதிபதிகள் தவறாமல் நிகழ்வுகளில் கலந்துகொள்கின்றனர்.
இதனால் ஒவ்வொரு முன்னாள் ஜனாதிபதிக்கும் வெவ்வேறு நிலை பாதுகாப்பு தேவைப்படுகிறது.
இலங்கையில் தற்போது குமாரதுங்க (chandrika kumaratunga) (1994-2005), மகிந்த ராஜபக்ச (mahinda rajapaksa)(2005-2015), மைத்திரிபால சிறிசேன (maithripala sirisena) (2015-2019), கோட்டாபய ராஜபக்ச (gotabaya rajapaksa) (2019-2022), மற்றும் ரணில் விக்ரமசிங்க (ranil wickremesinghe) (2022-2024) உட்பட ஐந்து முன்னாள் ஜனாதிபதிகள் உள்ளனர்.
கொல்லப்பட்ட ஜனாதிபதி ரணசிங்க பிரேமதாசவின் மனைவி ஹேமா பிரேமதாச (hema premadasa) அவர்களுக்கான நன்மைகள் 1986 ஆம் ஆண்டின் 4 ஆம் எண் ஜனாதிபதி உரிமைச் சட்டத்தின் விதிகளின் அடிப்படையில் தீர்மானிக்கப்படுகின்றன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வல்வெட்டித்துறை, யாழ்ப்பாணம், கொழும்பு, பிரித்தானியா, United Kingdom, Toronto, Canada
11 Apr, 2024
குடத்தனை, வராத்துப்பளை, Montreal, Canada, Cornwall, Canada
07 Apr, 2025
