30 அடி பள்ளத்தில் வீழ்ந்த பாரவூர்தி: ஒருவர் பலி
நுவரெலியா (Nuwara Eliya) - கந்தப்பளை பகுதியில் பாரவூர்தி ஒன்று வீதியை விட்டு விலகி பள்ளத்தில் வீழ்ந்து விபத்துக்குள்ளானதில் ஒருவர் உயிரிழந்துள்ளார்.
குறித்த விபத்து சம்பவமானது இன்றையதினம் (08.11.2024) காலை இடம்பெற்றுள்ளதாக காவல்துறையினர் தெரிவித்துள்ளனர்.
மேலதிக விசாரணை
விபத்து தொடர்பில் மேலும் தெரியவருவதாவது, இராகலை காவல்துறை பிரிவுக்கு உட்பட்ட கந்தபளை கொங்கொடியா பகுதிக்கு மர்க்கறி சேகரிக்க ஏற்றச்சென்ற பாரவூர்தி பாதையை விட்டு விலகி சுமார் 30 அடி பள்ளத்தில் விழுந்து விபத்துக்குள்ளாகியுள்ளது என காவல்துறையினர் தெரிவித்துள்ளனர்.
விபத்தில் 43 வயதான ஒருவர் உயிரிழந்துள்ளதுடன், விபத்தில் காயமடைந்த 6 பேர் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதாகவும் காவல்துறையினர் குறிப்பிட்டுள்ளனர்.
விபத்து தொடர்பான மேலதிக விசாரணைகளை இராகலை காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 10ம் வட்டாரம், Toronto, Canada, பேர்ண், Switzerland
06 Nov, 2023
