இலங்கையில் தனிநபர் உயிர்வாழ மாதமொன்றுக்கு எவ்வளவு தேவை தெரியுமா...!

Sri Lanka Sri Lankan Peoples Economy of Sri Lanka

By Sumithiran Apr 24, 2025 05:17 AM GMT

Sumithiran

in சமூகம்

Report

மக்கள்தொகை மற்றும் புள்ளிவிபரவியல் திணைக்களம் வெளியிட்ட 'பெப்ரவரி 2025க்கான தேசிய அதிகாரபூர்வ வறுமைக் கோடு' என்ற தலைப்பிலான அண்மைய அறிக்கையின்படி, இலங்கையில் தனிநபர் ஒருவருக்கு அவரின் அடிப்படைத் தேவைகளைப் பூர்த்தி செய்ய மாதத்திற்குத் தேவைப்படும் குறைந்தபட்சத் தொகை ரூ. 16,318.ஆகும் என கணக்கிடப்பட்டுள்ளது.

கொழும்பு மாவட்டத்தைப் பொறுத்தவரை தனிநபர் ஒருவருக்கான அடிப்படைத்தேவையை பூர்த்தி செய்ய ரூ. 17,599.தேவை என மதிப்பிடப்பட்டுள்ளது.

இதேபோல், இரண்டாவது அதிக மதிப்பைக் காட்டும் மாவட்டமாக கம்பகா பதிவாகியுள்ளது.அந்த மாவட்டத்தில் ரூ. 17,509. தேவை என மதிப்பிடப்பட்டுள்ளது.

மிகக் குறைந்த தொகை மொனராகலை மாவட்டத்திலிருந்து பதிவாகியுள்ளதாகவும், அந்தத் தொகை ரூ. 15,603 என்றும் தெரிவிக்கப்பட்டுள்ளது.

அதிகாரபூர்வ வறுமைக் கோடு

2012-2013 ஆம் ஆண்டுக்கான குடும்ப வருமானம் மற்றும் செலவு கணக்கெடுப்பின் அடிப்படையில் அதிகாரபூர்வ வறுமைக் கோடு புதுப்பிக்கப்பட்டுள்ளதாகத் திணைக்களம் தெரிவித்துள்ளது.

இலங்கையில் தனிநபர் உயிர்வாழ மாதமொன்றுக்கு எவ்வளவு தேவை தெரியுமா...! | One Person Needs 16 318 Per Month Survive

தேசிய நுகர்வோர் விலைச் சுட்டெண்ணை(அடிப்படை: 2021=100) பயன்படுத்தி விலை மாற்றங்களுக்கு ஏற்ப சரிசெய்து, அதிகாரபூர்வ மாவட்ட வறுமைக் கோடுகள் மறு மதிப்பீடு செய்யப்பட்டுள்ளதாக தெரிவிக்கப்பட்டுள்ளது.

மக்கள் தொகை கணக்கெடுப்பு

பெப்ரவரி 2025 இல் தேசிய நுகர்வோர் விலைக் குறியீட்டில் (NCPI) முந்தைய மாதத்துடன் ஒப்பிடும்போது குறைந்ததன் காரணமாக அதிகாரபூர்வ வறுமைக் கோடு குறைந்துள்ளதாக மக்கள் தொகை கணக்கெடுப்பு மற்றும் புள்ளியியல் துறை தெரிவித்துள்ளது.

இருப்பினும், துறையின் தரவுகள், பெப்ரவரி 2024 இல், ஒரு தனிநபருக்கு அவர்களின் அடிப்படைத் தேவைகளைப் பூர்த்தி செய்ய மாதத்திற்குத் தேவையான குறைந்தபட்சத் தொகை ரூ. 16,975 ஆகவும், அதே ஆண்டு ஏப்ரல் மாதத்தில் இந்த எண்ணிக்கை 16,476 ஆகவும் இருந்தது.