இலங்கை மாணவர்களுக்கு இந்தியப் பல்கலைக்கழகங்களில் கற்பதற்கு வாய்ப்பு

Sri Lanka High Commission of India Colombo India Education

By Sathangani May 24, 2024 11:28 AM GMT

Sathangani

in கல்வி

Report

சுயநிதித் திட்டத்தின் கீழ் இந்தியப் (India) பல்கலைக்கழகங்களில் கற்பதற்கு இலங்கை (Sri lanka) மாணவர்களின் விண்ணப்பங்களை கொழும்பில் (Colombo) உள்ள இந்திய உயர்ஸ்தானிகராலயம் வரவேற்கின்றது.

அதன்படி, 2024-25 ஆம் கல்வியாண்டிற்கான MBBS, BDS, BE, B.Tech, B.Pharm, B.Arch, Diploma level Technical மற்றும் Diploma in Pharmacy ஆகிய கற்கைநெறிகளுக்குத் தகுதியான இலங்கை மாணவர்கள் தங்களது விண்ணப்பங்களைக் கொழும்பில் உள்ள இந்திய உயர்ஸ்தானிகராலயத்தில் சமர்ப்பிக்க முடியும்.

MBBS/BDS பட்டப் படிப்புகளுக்கு விண்ணப்பிக்க விரும்பும் விண்ணப்பதாரர்கள் நீட் தேர்வு மற்றும் க.பொ.த உயர்தரப் பரீட்சையில் உயிரியல், பௌதிகவியல், இரசாயனவியல் மற்றும் ஆங்கிலம் ஆகிய பாட நெறிகளில் 50 சதவீதம் தேர்ச்சி பெற்றிருக்க வேண்டும் எனக் குறிப்பிடப்பட்டுள்ளது.

இந்திய உயர்ஸ்தானிகராலயத்தில்

பொறியியலில் BE/B.Tech மற்றும் Diploma in engineering ஆகிய கற்கைநெறிகளுக்கு பௌதிகவியல், இரசாயனவியல் மற்றும் கணிதம் ஆகிய பாட நெறிகளில் 60 சதவீதம் மற்றும் க.பொ.த உயர் தரப் பரீட்சையில் ஆங்கிலத்தில் 50 சதவீதம் தேர்ச்சி பெற்றிருக்க வேண்டும்.

இலங்கை மாணவர்களுக்கு இந்தியப் பல்கலைக்கழகங்களில் கற்பதற்கு வாய்ப்பு | Opportunity For Sl Students To Study In Indian Uni

B.Pharmacy மற்றும் Diploma in Pharmacy ஆகிய கற்கைநெறிகளுக்கு உயிரியல், பௌதிகவியல் மற்றும் இரசாயனவியல் ஆகிய பாட நெறிகளில் 60 சதவீதம் மற்றும் க.பொ.த உயர் தரப் பரீட்சையில் ஆங்கிலத்தில் 50 சதவீதம் தேர்ச்சி பெற்றிருக்க வேண்டும்.

B.Arch கற்கைநெறிக்கு புதுடில்லியின் கட்டிடக்கலை கழகம் மூலம் ஏற்பாடு செய்யப்பட்ட தேர்வில் தேர்ச்சி பெற்றிருக்க வேண்டும்.

விண்ணப்பதாரர்கள் அனைவரும் தங்களது விண்ணப்பங்களைக் கொழும்பில் உள்ள இந்திய உயர்ஸ்தானிகராலயத்தில் எதிர்வரும் ஜூன் மாதம் 18 ஆம் திகதிக்கு முன்னர் சமர்ப்பிக்க முடியும் எனத் தெரிவிக்கப்பட்டுள்ளது.