அதிகளவு பிள்ளைகளை பெற பெற்றோரை ஊக்குவியுங்கள் : எதிரணி எம்.பி வலியுறுத்து

அதிகளவில் பிள்ளைகளைப் பெற்றுக்கொள்வது பாராட்டப்பட வேண்டும், ஊக்குவிக்கப்பட வேண்டும் மற்றும் வெகுமதியளிக்கப்பட வேண்டும் என ஐக்கிய மக்கள் சக்தியின் நாடாளுமன்ற உறுப்பினர் அஜித் பி. பெரேரா தெரிவித்துள்ளார்.

அவர் நேற்று (ஜூலை 10) நாடாளுமன்றத்தில் இவ்வாறு கூறினார்.தனதுரையில் அவர் மேலும் தெரிவிக்கையில்,

பத்து ஆண்டுகளில் பிறப்புகளின் எண்ணிக்கை ஒரு லட்சத்து இருபதாயிரம் குறைந்துள்ளது என்று நாடாளுமன்ற உறுப்பினர் சுட்டிக்காட்டினார்.

பல்வேறு பிரச்சனைகள்

திருமண வயது அதிகரித்தல், திருமண விகிதம் குறைதல், பிரிவுகள் மற்றும் விவாகரத்துகளின் எண்ணிக்கை அதிகரித்தல், வாழ்க்கைச் செலவு அதிகரித்தல் மற்றும் பொருளாதாரம் குறித்த நிச்சயமற்ற தன்மை ஆகியவையே இதற்குக் காரணங்கள் என்று அவர் மேலும் கூறினார்.

குழந்தை வளர்ப்புச் செலவு அதிகம் என்ற சமூகக் கண்ணோட்டம், கோவிட் பெருந்தொற்றின் அதிர்ச்சி மற்றும் இளைஞர்களின் வெளிநாட்டுக் குடிபெயர்வு ஆகியவை பிறப்புகளின் எண்ணிக்கைக் குறைவுக்கு வழிவகுத்துள்ளன என்றும் அந்த நாடாளுமன்ற உறுப்பினர் சுட்டிக்காட்டினார்.

யாழில் இருந்து சென்ற வாகனம் கிளிநொச்சியில் பாலத்துடன் மோதி விபத்து!

உதவித்திட்டங்கள்

குழந்தைகளுடன் உள்ள குடும்பங்களுக்கு வரிச் சலுகைகள் அல்லது வருமான வரி குறைப்புகள், தகுதியுள்ள குடும்பங்களுக்கு நிதியுதவி மற்றும் பிறப்பு மானியங்கள் வழங்கப்பட வேண்டும், மகப்பேறு மற்றும் தந்தைவழி விடுப்புப் பலன்கள் அதிகரிக்கப்பட வேண்டும், மேலும் இளம் குடும்பங்களுக்கு வீட்டு வசதி உதவித் திட்டங்கள் அல்லது மானிய விலையில் வீட்டுக் கடன் வசதிகள் வழங்கப்பட வேண்டும் என்று அமைச்சர் சுட்டிக்காட்டினார்.

"இந்த நாட்டில் குழந்தைகள் பிறக்கவில்லை என்றால், போதுமான பிறப்புகள் இல்லை என்றால், இந்த நாட்டில் ஏற்கனவே உள்ள பத்தாயிரம் பள்ளிகளுக்குப் போதுமான குழந்தைகள் இல்லை என்றால், நாம் ஏற்கனவே கட்டியெழுப்பியுள்ள பல்கலைக்கழகக் கல்வி முறைக்கு போதுமான குழந்தைகள் வரவில்லை என்றால், ஒரு பெரிய பிரச்சனை இருக்கிறது. இன்று, பல்கலைக்கழகங்கள், குறிப்பாகப் பொது அறிவியல் துறைகளில், பட்டப்படிப்புகளுக்கும் இளங்கலைப் பட்டங்களுக்கும் போதுமான மாணவர்களைச் சேர்ப்பதில்லை.

இது மிகவும் தீவிரமான பிரச்சனை

இது மிகவும் தீவிரமான பிரச்சனை. இதைப் பற்றி நாம் என்ன செய்ய முடியும்? இதற்காக, குழந்தைகளைச் சார்ந்திருக்கும் குடும்பங்களுக்கு வரிச் சலுகைகள் அல்லது வருமான வரிக் குறைப்புகள் செய்யப்பட வேண்டும். குழந்தைகளைக் கொண்ட குடும்பங்களுக்குச் சிறப்பு கவனம் அளிக்கப்பட வேண்டும். நாம் அவர்களைப் பாதுகாக்க வேண்டும். மேலும், தகுதியான குடும்பங்களுக்குக் குழந்தை பிறப்பிற்காக நிதி உதவியும் மானியங்களும் வழங்க வேண்டும்.

எனவே அதிக குழந்தைகளைப் பெற்றுக்கொள்வது பாராட்டப்பட வேண்டிய, ஊக்குவிக்கப்பட வேண்டிய, விருது வழங்கப்பட வேண்டிய மற்றும் போற்றப்பட வேண்டிய ஒன்றாக மாற்றப்பட வேண்டும் என்றார்.

நீதிச் சேவை சங்கத்தின் தலைவர் பசன் அமரசேன பதவி விலகல்!