யாழில் இராணுவம் கைப்பற்றிய காணிகள்! 34 வருடங்களின் பின்னர் ஆலய வழிபாட்டிற்கு அனுமதி
யாழ்ப்பாணம் வலிகாமம் வடக்கு உயர் பாதுகாப்பு வலயத்தில் உள்ள ஆலயங்களில் சுமார் 34 வருடங்களின் பின்னர் பொதுமக்கள் இன்றைய தினம் நேரடியாக வழிபாடுகளில் ஈடுபட்டுள்ளனர்.
பலாலி இராணுவ தலைமையகத்தின் பிரதான நுழைவாயில் ஊடாக இன்று காலை 9 மணிமுதல் ஆலயத்தினை தரிசிப்பதற்கு வருகை தரும் பக்தர்கள் இராணுவத்தினரின் பேரூந்து மூலம் ஆலயங்களுக்கு கொண்டு செல்லப்பட்டுள்ளனர்.
வருகை தந்த பக்தர்களை குறித்த நுழைவாயிலுக்கு வருகை தருமாறு அறிவுறுத்தியதோடு அவர்களுடைய இலத்திரனியல் உபகரணங்கள் மற்றும் தொலைபேசிகள் என்பன இராணுவத்தினரால் பெறப்பட்டு இலக்கமிடப்பட்டு இலக்கமொன்றும் வழங்கப்பட்டுள்ளது.
ஆலயங்கள்
குறித்த உபகரணங்கள் வழிபாடுகளின் பின்னர் மீள வெளியே வருகின்ற பொழுது வழங்கப்படுமென தெரிவிக்கப்பட்டதோடு பூசைப் பொருட்களும் அனுமதிக்கப்பட்டுள்ளன.
இதற்கமைவாக வழிபாடுகளை மேற்கொள்ள 290 பக்தர்கள் தமது பெயர் விபரங்களை தெல்லிப்பழை பிரதேச செயலகத்திற்கு சமர்ப்பித்துள்ளனர்.
இவற்றில் வலி வடக்கு உயர் பாதுகாப்பு வலயத்தில் உள்ள 21 ஆலயங்களில் பலாலி வடக்கு ஜே/ 254 கிராம அலுவலர் பிரிவில் அமைந்துள்ள இராஜேஸ்வரி அம்மன் கோவில் , நாகதம்பிரான் அம்மன் கோவில், ஜே/238 கிராம அலுவலர் பிரிவில் உள்ள முத்துமாரி அம்மன் கோவில், ஜே/245 வசாவிளான் மேற்கு கிராம அலுவலர் பிரிவில் உள்ள மனாம்பிராய் பிள்ளையார் கோவில், சிவன் கோவில் , நாகதம்பிரான் கோவில் மற்றும் சக்தியுடையாள் அம்மன் கோவில் ஆகிய ஏழு ஆலயங்களை தரிசிப்பதற்கு அனுமதி கிடைக்கப்பெற்றிருந்தது.
சிவபாலசுந்தரன்
இதனுடன் மேலும் ஐந்து ஆலயங்களை தரிசிக்க 290 பேர் தமது பெயர் விபரங்களை சமர்பித்துள்ள நிலையில் இரு ஆலயங்களிடம் இருந்து பெயர் விபரங்கள் கிடைக்கப்பெறவில்லை.
மேலும் வழிபாட்டு தலங்களை புனர்நிர்மாணம் அல்லது புனரமைப்பு பணிகள் செய்வதற்கு அனுமதிகள் வழங்கப்படவில்லை என இராணுவம் குறிப்பிட்டிருந்த போதிலும் ஆலயத்தினர் விரும்பினால் முறையான கோரிக்கையினை மாவட்ட செயலகத்திடம் முன்வைப்பதனூடாக இராணவத்தினர் மூலம் ஆலயங்களை புனர்நிர்மாணம் செய்யமுடியுமென யாழ் மாவட்ட செயலாளர் அம்பலவானர் சிவபாலசுந்தரன் அண்மையில் தெரிவித்திருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
சாவகச்சேரி, குஞ்சுப்பரந்தன், கிளிநொச்சி, Scarborough, Canada
14 May, 2021
