கோட்டாவின் காரை பயன்படுத்தும் பியூமி: அம்பலமாகவுள்ள உண்மைகள்
முன்னாள் அதிபர் கோட்டாபய ராஜபக்ச முன்னர் பயன்படுத்திய ரேஞ்ச் ரோவர் வாகனத்தை மொடல் அழகி பியூமி ஹன்சமலி பயன்படுத்தியமை தொடர்பில் விசாரணை நடத்துமாறு முறைப்பாடு செய்யப்பட்டுள்ளது.
மகே ரட்ட அமைப்பின் தலைவர் சஞ்சய மஹவத்த இன்று (17) சட்டவிரோத சொத்துக்கள் விசாரணை பிரிவில் இந்த முறைப்பாடை மேற்கொண்டுள்ளார்.
முன்னாள் அதிபர் கோட்டாபய பயன்படுத்திய ரேஞ்ச் ரோவர் ரக வாகனமொன்றை தற்பொழுது பியூமி பயன்படுத்தி வருகின்றார் என அந்த முறைப்பாட்டில் குறிப்பிடப்பட்டுள்ளது.
தேர்தல் நெருங்கும் தருணம்
இது தொடர்பில் மேலும் தெரிவித்துள்ள அவர், “தேர்தல் நெருங்கும் தருணத்தில் கறுப்பு பணத்தை வெள்ளையாக்கும் முயற்சிகளில் அரசியல்வாதிகள் ஈடுபட்டுள்ளனர்.
நிதிச் சலவையில் ஈடுபடுவோர் இந்த சந்தர்ப்பத்தை பயன்படுத்திக் கொள்வதாக தெரிவிக்கப்பட்டுள்ளது. இந்த அதி சொகுசு வாகனத்தை பியூமி எவ்வாறு பெற்றுக் கொண்டார் என்பது குறித்து சந்தேகம் நிலவுகிறது.
பிரபல மொடல் அழகியான பியூமி அதி சொகுசு வீடொன்றில் ஆடம்பரமான வாழ்க்கை வாழ்ந்து வருகிறார். அரசியல்வாதிகளின் கறுப்பு பணத்தை வெள்ளையாக்குவதற்கு பியூமியை பயன்படுத்துகின்றார்களா என்ற சந்தேகம் நிலவுகிறது.
ஆடம்பர வாழ்க்கை
இந்த வாகனத்தின் சந்தைப் பெறுமதி சுமார் 100 மில்லியன் ரூபா ஆகும். இவ்வளவு பெறுமதியான வாகனமொன்றை எவ்வாறு பியூமி கொள்வனவு செய்தார்? அவரது வருமான வழி என்ன?
இந்த வாகனத்தை பியூமி கோட்டாவிற்கு வாங்கி கொடுத்திருக்க வேண்டும் அல்லது கோட்டா பியூமிக்கு வழங்கியிருக்க வேண்டும்.
பியூமி அண்மைக் காலமாக எந்தவொரு தொலைக்காட்சி நிகழ்ச்சிகளிலும் தோன்றவில்லை. அழகு சாதனப் பொருட்களை விற்பனை செய்யும் பலரை எனக்கு தெரியும். ஆனால் அவர்கள் பியூமி போன்ற ஆடம்பர வாழ்க்கையை வாழவில்லை.
பியூமி நாளொன்றுக்கு லட்சக் கணக்கான பணத்தை செலவிட்டு வருகிறார். தேர்தல் காலத்தில் அரசியல்வாதிகள் பணத்தை வாரி இறைப்பது குறித்து தமது அமைப்பு கண்காணித்து அம்பலப்படுத்தும் ” என தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 10ம் வட்டாரம், புங்குடுதீவு 9ம் வட்டாரம், யாழ்ப்பாணம், கொழும்பு
12 Oct, 2005
