தமிழர் பகுதியில் அரச உத்தியோகத்தரை தாக்கிய காவல்துறை உத்தியோகத்தர்கள்
கிளிநொச்சியில் (Kilinochchi) அரச உத்தியோகத்தர் ஒருவரை தாக்கிய சம்பவத்துடன் தொடர்புடைய காவல்துறையினருக்கு இலங்கை மனித உரிமைகள் ஆணைக்குழு விசாரணைக்கு அழைப்பு விடுத்துள்ளது.
குறித்த விடயத்தினை மனித உரிமைகள் ஆணைக்குழுவின் யாழ். பிராந்திய இணைப்பாளர் ரி. கனகராஜ் தெரிவித்துள்ளார்.
சம்பவம் தொடர்பில் தெரியவருகையில், கடந்த வாரம் நீர்ப்பாசனத் திணைக்களத்தில் பணியாற்றிய சாந்தபுரம் கிராமத்தைச் சேர்ந்த அரச உத்தியோகத்தர் ஒருவரை கிளிநொச்சி காவல் நிலையத்தைச் சேர்ந்த இரண்டு காவல்துறை உத்தியோகத்தர்கள் தாக்கியுள்ளனர்.
அழைப்பாணை
இதையடுத்து, தாக்குதலுக்குள்ளான அரச உத்தியோகத்தர் காரணமின்றி தன்னை தாக்கி கைவிலங்கிட்டதாக இலங்கை மனித உரிமைகள் ஆணைக்குழுவில் முறைப்பாடு பதிவிட்டுள்ளார்.
குறித்த முறைப்பாட்டின் அடிப்படையில் எதிர்வரும் 21 ஆம் திகதி மனித உரிமைகளை ஆணைக்குழுவின் யாழ். பிராந்திய அலுவலகத்திற்கு சம்பந்தப்பட்ட காவல்துறை உத்தியோகத்தர்கள், கிளிநொச்சி காவல் நிலைய பொறுப்பதிகாரி, மற்றும் கிளிநொச்சி மாவட்ட சிரேஸ்ட காவல்துறை அதிகாரி ஆகியோரை விசாரணைக்கு வருமாறு மனித உரிமைகள் ஆணைக்குழு அழைப்பாணை விடுத்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
