வெடுக்குநாறிமலையில் காவல்துறையினரால் ஆலய வளாகத்தில் குழப்பநிலை
வெடுக்குநாறிமலையில் ஐஸ்கிறீம் வியாபாரத்தில் ஈடுபட்ட வியாபாரியினை காவல்துறையினர் கலைத்தமையால் ஆலய வளாகத்தில் குழப்பநிலை ஏற்பட்டுள்ளது.
வெடுக்குநாறிமலையில் இன்றையதினம்(8) சிவராத்திரி வழிபாடுகளை மேற்கொள்ளச்சென்ற பொதுமக்களுக்கு காவல்துறையினரால் பல்வேறு அசௌகரியங்கள் ஏற்படுத்தப்பட்டது.
இந்நிலையில் பொதுமக்களுக்கு குடிதண்ணீரை கொண்டு சென்ற நீர்தாங்கி காவல்துறையினரால் இடைவழியில் நிறுத்தப்பட்டது. இதனால் 5கிலோமீற்றர்கள் நடந்துசென்ற பொதுமக்கள் நீர் இன்றி அசௌகரியத்தை எதிர்கொண்டனர்.
பொதுமக்கள் குழப்பம்
இதேவேளை ஆலய வளாகத்தில் ஐஸ் கிறீம் வியாபாரத்தில் ஈடுபட்ட வியாபாரி ஒருவரை காவல்துறையினர் விற்பனையில் ஈடுபட வேண்டாம் என தெரிவித்து ஆலயவளாகத்தை விட்டு அகற்றினர்.
இதனால் பொதுமக்களுக்கும் காவல்துறையினருக்கும் இடையில் குழப்பநிலை ஏற்பட்டது.
சிவராத்திரி தின வழிபாட்டுக்காக வெடுக்குநாறிமலை ஆதிசிவன் ஆலயம் செல்ல நீண்ட இழுபறியின் பின் மக்களுக்கு அனுமதி கிடைத்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
