முஸ்லிம் காங்கிரஸ் நடுநிலை வகித்தது ஏன்? வெளியானது அறிவிப்பு

parliament voting portcity muslimcongress

By Sumithiran May 21, 2021 08:30 PM GMT

Sumithiran

in இலங்கை

Report

ஸ்ரீலங்கா முஸ்லிம் காங்கிரசின் (எஸ்.எல்.எம்.சி) நாடாளுமன்ற உறுப்பினர்கள் கட்சி எடுத்துக் கொண்ட நடுநிலை காரணமாக நாடாளுமன்றில் நேற்று (20) நடைபெற்ற துறைமுக நகர பொருளாதார ஆணைய சட்டமூலத்துக்கு எதிராக வாக்களிப்பில் கலந்து கொள்ளவில்லை என தெரிவிக்கப்படுகிறது.

"இந்த சட்டமூலத்தில் பல அபிவிருத்தி அம்சங்கள் இருப்பதால் அவர்கள் தங்களை உறுதியான வாக்கெடுப்புக்கு உட்படுத்த விரும்பவில்லை" என்று இலங்கை முஸ்லிம் கவுன்சிலின் (எம்.சி.எஸ்.எல்) துணைத் தலைவர் ஹில்மி அகமது இன்று (21) கொழும்பு ஆங்கில ஊடகமொன்றிடம் தெரிவித்தார்.

எனினும், இன்னும் சில திருத்தங்களுடன் கூடியதாக சட்டமூலம் நிறைவேறியிருந்தால் மிகவும் சிறப்பாக இருந்திருக்கும் என்று அகமது வலியுறுத்தினார். இருந்த போதிலும், இந்த சட்டமூலத்தை முழுமையாக நிராகரிக்க முஸ்லிம் காங்கிரஸ் விரும்பவில்லை என்று அவர் கூறினார்.

"துறைமுக நகரம் ஒரு பொருளாதார மையமாக மாறுவதற்கான சாத்தியக்கூறுகள் இருப்பதால், இந்த சட்டமூலத்தை ஒன்றாக நிராகரிக்க வேண்டிய அவசியமில்லை, இது தேசத்திற்கு பயனளிக்கும்," என்று அவர் மேலும் தெரிவித்தார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்