இந்தியாவில் உறுப்பு தானம் செய்வோருக்கு இறந்தபின் அரச மரியாதை: மு.க.ஸ்டாலின்
இறப்பதற்கு முன்பு தன்னுடைய உடல் உறுப்புகளை தானம் வழங்குவோருக்கு அரசு மரியாதையுடன் இறுதிச் சடங்கு மேற்கொள்ளப்படும் என முதலமைச்சர் மு.க.ஸ்டாலின் அறிவித்துள்ளார்.
குறித்த அறிவிப்பானது முதலமைச்சரின் x (டுவிட்டர்) தளத்தில் அறிவிக்கப்பட்டுள்ளது.
முதலமைச்சரின் இந்த அறிவிப்பானது பொதுமக்களின் மத்தியில் பெரும் வரவேற்பை பெற்றுள்ளது.
அத்தோடு இது உடல் உறுப்பு தானம் செய்ய முன் வருவோரின் எண்ணிக்கையை பெரும் அளவு உயர்த்தும் என்று பல்வேறு தரப்பினரும் கருத்து தெரிவித்து வருகின்றனர்.
அரசு மரியாதை
மேலும் அந்த தகவலில், “அதில்,”உடல் உறுப்பு தானத்தின் மூலம் நூற்றுக்கணக்கான நோயாளிகளுக்கு வாழ்வளிக்கும் அரும்பணியில் நாட்டின் முன்னணி மாநிலமாகத் தமிழ்நாடு தொடர்ந்து விளங்கி வருகின்றது.
குடும்ப உறுப்பினர்கள் மூளைச்சாவு நிலையை அடைந்த துயரச் சூழலிலும், அவர்களின் உடல் உறுப்புகளைத் தானமாக அளித்திட முன்வரும் குடும்பங்களின் தன்னலமற்ற தியாகங்களால்தான் இந்தச் சாதனை சாத்தியமாகியுள்ளது.
தம் உறுப்புகளை ஈந்து, பல உயிர்களைக் காப்போரின் தியாகத்தினைப் போற்றிடும் வகையில், இறக்கும் முன் உறுப்பு தானம் வழங்குவோரின் இறுதிச்சடங்குகள் இனி அரசு மரியாதையுடன் மேற்கொள்ளப்படும்” என தெரிவித்துள்ளார்.
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
