பயங்கரவாதத் தடுப்புச் சட்டம் ரத்து! ஜனாதிபதி விடுத்த அதிரடி அறிவிப்பு

ஜனநாயக சுதந்திரங்களை வலுப்படுத்தும் நோக்கில், நீண்டகாலமாக இருந்துவரும் பயங்கரவாதத் தடுப்புச் சட்டத்தை (PTA) இலங்கை விரைவில் ரத்து செய்யும் என ஜனாதிபதி அனுர குமார திசாநாயக்க அறிவித்துள்ளார்.

இன்றைய நாடாளுமன்ற அமர்வில் கலந்து கொண்டு விசேட உரையொன்றை ஆற்றும் போத ஜனாதிபதி இந்த அறிவிப்பை விடுத்துள்ளார்.

அதன்போது தொடர்ந்தும் கருத்து வெளியிட்ட அவர், முதலில் 1979-ல் ஓராண்டு கால தற்காலிகச் சட்டமாக அறிமுகப்படுத்தப்பட்ட தனிநபர் பாதுகாப்புச் சட்டம் (PTA), நாற்பது ஆண்டுகளுக்கும் மேலாக நடைமுறையில் இருந்து வருவதாகக் குறிப்பிட்டார்.

அதிர வைக்கும் பிரேதப் பரிசோதனை - சடலமாக மீட்கப்பட்ட மருத்துவர்; கழுத்து நெரித்துக் கொலை

இறுதிக்கட்டத்தில் அரசாங்கம்

ஜனநாயகம், அடிப்படை மனித உரிமைகள் மற்றும் தனிநபர் சுதந்திரங்களை மதிக்கும் குடிமக்களிடமிருந்து பல ஆண்டுகளாக இந்தச் சட்டத்திற்குத் தொடர்ச்சியான பொது எதிர்ப்பு இருந்து வருவதையும், அதன் விரிவான விதிகள் குறித்து பரவலான கவலைகள் எழுப்பப்பட்டுள்ளதையும் ஜனாதிபதி ஒப்புக்கொண்டார்.

இதன்படி, குறித்த சட்டத்தை ரத்து செய்யும் பணியின் வரைவு செயல்முறை ஏற்கனவே நிறைவடைந்து, உயர்மட்ட விவாதங்கள் முடிவடைந்துள்ள நிலையில், அரசாங்கம் தற்போது இறுதிக்கட்டத்தில் இருப்பதாக ஜனாதிபதி தெரிவித்தார்.

இந்த நிலையில், அடுத்த சில மாதங்களுக்குள் அந்தச் சட்டம் ரத்து செய்யப்படும் என்று தான் எதிர்பார்ப்பதாக அவர் குறிப்பிட்டார்.

புதிய வலுவான சட்டக் கட்டமைப்பு

இருப்பினும், PTA அகற்றப்படும் என்றாலும், ஒழுங்கமைக்கப்பட்ட குற்றங்களால் ஏற்படும் தொடர்ச்சியான அச்சுறுத்தலை அரசாங்கம் உணர்ந்துள்ளதாக அவர் வலியுறுத்திய ஜனாதிபதி இதற்கு ஒழுங்கமைக்கப்பட்ட குற்ற வலையமைப்புகளைக் குறிவைத்து ஒரு புதிய வலுவான சட்டக் கட்டமைப்பு உருவாக்கப்பட்டுவருவதாக தெரிவித்தார்.

அதன் பரந்த நோக்கம் மற்றும் விரிவான வரையறைகள் காரணமாக, தனிநபர்களை அதன் நோக்கத்திற்கு அப்பாற்பட்டுத் தண்டிப்பதற்குப் பயன்படுத்தப்படக்கூடும் என விமர்சிக்கப்பட்ட PTA சட்டத்தைப் போலல்லாமல், புதிய சட்டமானது ஒழுங்கமைக்கப்பட்ட குற்றங்களை மட்டுமே மையமாகக் கொண்ட, தெளிவாக வரையறுக்கப்பட்ட விதிகளை உள்ளடக்கும் என்று அவர் தெளிவுபடுத்தினார்.

தேசியப் பாதுகாப்பைப் பேணிக்காக்கும் அதே வேளையில், கருத்துச் சுதந்திரம் மற்றும் ஜனநாயக உரிமைகள் உள்ளிட்ட அடிப்படை உரிமைகளை முழுமையாகப் பாதுகாக்கும் வகையில் புதிய சட்டம் வடிவமைக்கப்படும் என்று ஜனாதிபதி அநுர மேலும் உறுதியளித்தார்.

சஹ்ரான் குழு ஆன்மீக தலைவரின் வாக்குமூலம்! நீதிமன்றின் அதிரடி உத்தரவு

அமெரிக்காவில் பதுங்கியுள்ள பசிலுக்கு விரைவில் கை விலங்கிடப்படும்! ஜனாதிபதி திட்டவட்டம்