எந்த தேர்தலையும் அரசாங்கம் பிற்போடாது: வியாழேந்திரன் திட்டவட்டம்
அரசாங்கம் அதிபர் தேர்தல் உட்பட எந்த தேர்தலையும் பிற்போடாது எனவும் அதிபர் தேர்தல் நடைபெற்று அதன் பின்னர் ஏனைய தேர்தல்களும் நடைபெறும் என இராஜாங்க அமைச்சர் சதாசிவம் வியாழேந்திரன் தெரிவித்துள்ளார்.
மட்டக்களப்பு - பன்குடாவெளி கிராமத்திற்கான பிரதான வீதி கார்ப்பெட் வீதியாக புனரமைக்கப்பட்டு இராஜாங்க அமைச்சர் சதாசிவம் வியாழேந்திரனால் நேற்று புதன்கிழமை(29) மாலை திறந்து வைக்கப்பட்டது.
வீதி அபிவிருத்தி அதிகாரசபையின் 85மில்லியன் ரூபா நிதி ஒதுக்கீட்டின் கீழ் குறித்த 2கிலோ மீற்றர் வீதியானது இவ்வாறு புனரமைக்கப்பட்டு மக்கள் பாவனைக்காக திறந்துவைக்கப்பட்டது.
அதிபர் தேர்தல்
இராஜாங்க அமைச்சர் சதாசிவம் வியாழேந்திரன் பிரதம அதிதியாக கலந்து கொண்டிருந்ததுடன் , இராஜாங்க அமைச்சர் சி.சந்திரகாந்தன் அவர்களின் இணைப்புச் செயலாளர் ஆ.தேவராஜன், ஏறாவூர்ப்பற்று பிரதேசசபையின் செயலாளர் பற்குணம், வீதி அபிவிருத்தி அதிகார சபையின் பெருளியியலாளர் , கிராம உத்தியோகத்தர் மற்றும் கிராம மக்கள் என பலரும் கலந்து கொண்டிருந்தனர்.
சுமார் 40வருடமாக புனரமைக்கப்படாத நிலையிலிருந்த இந்த வீதியை இராஜாங்க அமைச்சர் சந்திரகாந்தனின் முயற்சியினால் புனரமைக்கப்பட்டு திறந்துவைக்கப்பட்டுள்ளது.
இதன்போது கருத்து தெரிவித்த இராஜாங்க அமைச்சர் வியாழேந்திரன், ”அரசியலமைப்பின் பிரகாரம் சட்டதிட்டத்தின் படி அதிபர் தேர்தல் நடைபெறவேண்டும்.
நாடாளுமன்ற தேர்தல்
அதிபர் தேர்தலுக்காக வரவு செலவு திட்டத்தில் நிதியொதுக்கப்பட்டுள்ளது.ஒதுக்கப்பட்ட நிதியின் பிரகாரம் அதற்குரிய வேலைத்திட்டங்கள் முன்னெடுக்கப்படுகின்றது.
தனிப்பட்ட ரீதியில் கருத்துகளை தெரிவிக்கமுடியும்.ஜனநாயக நாட்டில் அதற்கான சுதந்திரம் இருக்கின்றது.சட்டத்தின் அடிப்படையில் ஒக்டோர் அதிபர் தேர்தல் நடைபெறவேண்டும்.
அதற்கு பின்னர் நாடாளுமன்றத்திற்கு இன்னும் ஆயுட்காலம் இருக்கின்றது. அதிபர் தேர்தலுக்கு பின்னர் நாடாளுமன்ற தேர்தல் நடைபெறலாம்.
ஆனால் அதற்கு இடையில் இன்னும் இரண்டு தேர்தல்கள் இருக்கின்றது. ஒன்று மாகாணசபை தேர்தல் அது இன்னும் நடைபெறவில்லை.
வலிமையான அரசியல் கட்டமைப்பு
அது நீண்டகாலமாக பிற்போடப்பட்டுவருகின்றது.அதுபிற்போடப்படுவதற்கு எமது தலைவர்களும் கடந்தகாலத்தில் உடந்தையாக இருந்தார்கள்.
மாகாணசபை தேர்தல் நடைபெறவேண்டும்.அதேபோன்று உள்ளுராட்சிமன்ற தேர்தலும் நடாத்தப்படவேண்டும். அதிபர் தேர்தல் நடைபெறவேண்டும்.
அதில்மாற்றுக்கருத்து இல்லை.இந்த மாகாணத்தில் வலிமையான அரசியல் கட்டமைப்பின் ஊடாகத்தான் எமது இருப்பினை பாதுகாக்கமுடியும் என்ற அரசியல் கொள்கையுடன் நாங்கள் பயணிக்கின்றோம்.
ஒரு கட்சியின் பொதுச்செயலாளர் இரண்டு வருடத்திற்கு தேர்தல்களை பிற்போடுவது குறித்துபேசியிருக்கின்றார்.அது அவருடைய கட்சிசார்ந்த கருத்து.
ஆனால் எங்களுடைய நிலைப்பாடு சட்டத்தின்படி என்ன தேர்தல் நடைபெறவேண்டுமோ அது சட்டத்தின் படி நடைபெறும்.” என்றார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
ஈழத் தமிழரின் நீதிக்காய் போராடிய இறைவழிப் போராளி!
3 நாட்கள் முன்
பிரிட்டனின் தடை… சிறிலங்காவுக்கு அடுத்த நெருக்கடியா…
1 வாரம் முன்
வீமன்காமம் வடக்கு, யாழ்ப்பாணம், பரிஸ், France, Ajax, Canada
03 Apr, 2025
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025
இலங்கை, உரும்பிராய், கண்டி, London, United Kingdom, Toronto, Canada
04 Mar, 2025
Kuala Lumpur, Malaysia, உடுவில், கொழும்பு, Brampton, Canada
25 Mar, 2025
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
