யாழில் ஜனாதிபதியின் திட்டமிடலுக்கு எதிர்ப்பு தெரிவித்து போராட்டத்தில் குதித்த மக்கள்
யாழ்ப்பாணத்திற்கு கடந்த இரு தினங்களுக்கு முன்னர் விஜயம் செய்திருந்த ஜனாதிபதியின் திட்டமிடலுக்கு எதிர்ப்பு தெரிவித்து வடமராட்சி மக்கள் போராட்டமொன்றினை முன்னெடுத்துள்ளனர்.
குறித்த போராட்டமானது வடமராட்சி பிரதேச செயலகத்தினை முற்றுகையிட்டு இன்று (05) மருதங்கேணி மற்றும் வடமராட்சி கிழக்கு பிரதேச மக்களால் முன்னெடுக்கப்பட்டுள்ளது.
கடந்த 02 ஆம் திகதி அன்று யாழ். தாழையடிக்கு விஜயம் செய்திருந்த ஜனாதிபதி ரணில் விக்ரமசிங்க, தாழையடிக்கென தனி கிராமமொன்றை அமைத்துக்கொடுக்குமாறு கோரிக்கை விடுத்திருந்தார்.
வீதிக்கிறங்கிய மக்கள்
இந்தநிலையில் இதற்கு எதிர்ப்பு தெரிவிக்கும் முகமாக மருதங்கேணி மக்கள் குறித்த போராட்டத்தை மேற்கொண்டுள்ளதாக தெரிவிக்கப்பட்டுள்ளது.
மேலும், வடமராட்சி கிழக்கை கூறுபோடாதே மற்றும் பிரதேச செயலகத்தை மருதங்கேணி என மாற்றாதே போன்ற வாசகங்கள் கொண்ட பதாகைகளை காட்சிப்படுத்தி குறித்த மக்கள் போராட்டத்தில் ஈடுபட்டிருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
