யாழ் உயர் பாதுகாப்பு வலய காணிகளை விடுவிக்கக் கோரி தொடரும் போராட்டம்

Sri Lanka Army Sri Lankan Tamils Jaffna Protest

By Sathangani Jul 17, 2026 08:11 AM GMT

Sathangani

in சமூகம்

Report

யாழ்ப்பாணம் - வலி. வடக்கு பகுதிகளில் உயர் பாதுகாப்பு வலயமாக உள்ள தமது காணிகளை விடுவிக்க கோரி காணி உரிமையாளர்கள் போராட்டம் ஒன்றினை முன்னெடுத்தனர்.

மயிலிட்டியில் அமைந்துள்ள இராணுவத்தினரின் "கொமோண்டோ " பங்களா முன்பாக இன்று (17) 13ஆவது வாரமாக குறித்த போராட்டம் முன்னெடுக்கப்பட்டது.

வலி. வடக்கில் 256, 248, 251 மற்றும் 255 ஆகிய கிராம சேவையாளர் பிரிவைச் சேர்ந்த மக்கள் கடந்த 1990ஆம் ஆண்டு ஜூன் மாத கால பகுதியில் அவர்களது சொந்த இடங்களில் இருந்து வெளியேற்றப்பட்ட பின்னர், அப்பகுதி உயர் பாதுகாப்பு வலயமாக காணப்படுகிறது.

உயர்பாதுகாப்பு வலயம்

யுத்தம் முடிவடைந்து 17 வருடங்கள் கடந்த நிலையிலும், அப்பகுதிகளில் இருந்து பாதுகாப்பு தரப்பினர் வெளியேறாத நிலையில், அவை உயர்பாதுகாப்பு வலயமாகவே காணப்படுகிறது.

யாழ் உயர் பாதுகாப்பு வலய காணிகளை விடுவிக்கக் கோரி தொடரும் போராட்டம் | Protest For High Security Zone Lands Release

இந்தநிலையில், தமது காணிகளை விடுவிக்குமாறு பல வருடங்களாக காணி உரிமையாளர்கள் போராடி வரும் நிலையில் காணிகள் விடுவிக்கப்படாத நிலையில் காணிகளை விடுவிக்குமாறு பிரதி வெள்ளிக்கிழமைகளில் போராட்டங்களை முன்னெடுப்பதாக காணி உரிமையாளர்கள் முடிவெடுத்திருந்த நிலையில், இன்றைய தினம் 13ஆவது வாரமாக போராட்டத்தை முன்னெடுத்தமை குறிப்பிடத்தக்கது.