செம்மணியில் சிவசேனை அட்டகாசம்! பின்னணியில் தீட்டப்பட்ட ரகசிய திட்டம்

Sri Lankan Tamils chemmani mass graves jaffna

By Dhilak Aug 15, 2026 12:57 PM GMT

Dhilak

in சமூகம்

Report

செம்மணியில், வலிந்து காணாமல் ஆக்கப்பட்டவர்களின் உறவுகள் அமைதியான முறையில் போராட்டமொன்றை முன்னெடுப்பதற்காக அமைத்திருந்த கொட்டகையை அகற்றுமாறு சிவசேனை அமைப்பைச் சேர்ந்தவர் என கூறிக்கொள்ளும் ஒருவர் கடுமையாக எதிர்ப்பு தெரிவித்துள்ளமை தற்போது வடக்கு கிழக்கில் பேசுபொருளாக மாறியுள்ளது.

கொட்டகை அமைக்கப்பட்டுள்ள இடம் ஆலயத்திற்குச் சொந்தமான இடம் எனக் கூறி அவர் குறித்த போராட்டத்திற்கு இடையூறு செய்யும் வகையில் செயற்பட்டுள்ளார்.

இந்நிலையில், ஆலயக் காணியைக் காரணம் காட்டி மக்களை வெளியேற்றும் இந்த அமைப்பினர், வடக்கு-கிழக்கில் உள்ள பல இந்துக் கோயில்கள் ஆக்கிரமிக்கப்படும்போதும் அல்லது சிதைக்கப்படும்போதும் ஏன் மெளனமாக இருக்கிறார்கள் என்ற கேள்வி தற்போது எழுந்துள்ளது.

வெடுக்குநாறி மலை, திருக்கேதீச்சரம், மற்றும் திருக்கோணேஸ்வரம் போன்ற பகுதிகளில் நடந்த அத்துமீறல்கள் மற்றும் ஆக்கிரமிப்புகள் குறித்து இந்த அமைப்பு எந்த ஒரு எதிர்ப்பையும் தெரிவிக்கவில்லை.

தமிழர்களின் உரிமைகளுக்காகவோ அல்லது சமய உரிமைகளுக்காகவோ போராடாத இந்த அமைப்பு ஏன் இவ்வாறு செயற்படுகிறது. இது குறித்து தொடர்ந்தும் எடுத்துரைக்கிறது ஐபிசி தமிழின் இன்றைய அதிர்வு,