கரிநாளான இலங்கையின் சுதந்திர தினம் : ஆர்ப்பாட்டத்துக்கு ஆதரவு தெரிவித்துள்ள த.தே.ம.மு

யாழ் பல்கலைக்கழக மாணவர் ஒன்றியம் எதிர்வரும் 4 ஆம் திகதி கிளிநொச்சியில் நடத்தவுள்ள பேரணிக்கு ஆதரவு தெரிவிப்பதாக தமிழ்த் தேசிய மக்கள் முன்னணி தெரிவித்துள்ளது.

தமிழ்த் தேசிய மக்கள் முன்னணியின் பேச்சாளர் க.சுகாஷ் வெளியிட்டுள்ள அறிக்கையில் இந்த விடயம் குறிப்பிடப்பட்டுள்ளது.

அந்த அறிக்கையில் மேலும் குறிப்பிடப்பட்டுள்ளதாவது, “தமிழர் தேசத்தின் இறைமையை 76 வருடங்களுக்கு முன்னர் பிரித்தானியரிடமிருந்து கையகப்படுத்திய சிங்கள - பெளத்த பேரினவாதம், தமிழ்த் தேசிய இனத்தின் சுதந்திரத்தை சூறையாடிய கருப்பு நாள் எதிர்வரும் 4 ஆம் திகதி.

சிங்கள- பெளத்த ஆக்கிரமிப்பு

முழுத் தீவினதும் ஆட்சியதிகாரத்தினைத் தனது கையில் வைத்துக் கொண்டு, தமிழர் நிலங்களை ஆக்கிரமித்தும், தமிழ் இனவழிப்பை மேற்கொண்டும், தமிழர் தேசம் மீதான திட்டமிட்ட சிங்கள- பெளத்த ஆக்கிரமிப்புக்கள், அதன் தொடர்ச்சியான கட்டமைக்கப்பட்ட இனவழிப்பையும் சிங்கள பௌத்த பேரினவாதம் தொடர்ந்து வருகிறது.

கைது செய்யப்பட்ட கெஹலிய ரம்புக்வெல்ல!

முடிவின்றித் தொடரும் கட்டமைப்பு சார் இனவழிப்பிலிருந்து தமிழர் தேசம் பாதுகாக்கப்படல் வேண்டுமாயின், தமிழ்த் தேசத்தின் இறைமையும் தமிழ் மக்களின் சுயநிர்ணய உரிமையும் அங்கீகரிக்கப்பட்ட தீர்வு அமைய வேண்டும்.

இனவழிப்புக்கான பொறுப்புக்கூறலுக்கு சர்வதேச குற்றவியல் விசாரணை வேண்டும்.

பல்கலைக்கழக மாணவர் ஒன்றியம்

அந்த வகையில் - ஒற்றையாட்சிக்குட்பட்ட 13 ம் திருத்தத்தினை முற்றாக நிராகரித்தமை, திம்புப் கோட்பாட்டின் அடிப்படையிலான அரசியல் தீர்வை வலியுறுத்தியமை, பொறுப்புக்கூறலை வலியுறுத்தியமை உள்ளிட்ட யாழ்ப்பாண பல்கலைக்கழக மாணவர் ஒன்றியத்தின் ஊடக அறிக்கையின் உள்ளடக்கமானது.

இலங்கையின் #சுதந்திர நாளைக் #கரிநாளாகப் பிரகடனப்படுத்தும் #யாழ் #பல்கலைக்கழக மாணவர்களின் கோரிக்கைக்கும் கரிநாள் போராட்டங்களுக்கும் எமது பூரண #ஆதரவைத் தெரிவிக்கின்றோம்! pic.twitter.com/txe1sPY9WY

— Kanagaratnam Sugash (@Sugashkanu) February 1, 2024

இதுவரை காலமும் சர்வதேச அரங்கில் பொறுப்புக்கூறலிலிருந்து சிறிலங்காவை பாதுகாத்தவர்களையும், ஒற்றையாட்சிக்கு உட்பட்ட 13 ம் திருத்தத்தினை நடைமுறைப்படுத்துமாறு கடிதங்களை எழுதி, தமிழ் தேசிய அரசியல் அபிலாசைகளை நீக்கம் செய்யும் வகையில் பெய்யான கருத்தியலை விதைத்த தரப்புக்களையும் அம்பலப்படுத்தியிருக்கிறது“ என கூறப்பட்டுள்ளது.    

ஹரிஹரனின் மாபெரும் இசை நிகழ்ச்சி : வெளியாகியுள்ள முக்கிய அறிவிப்பு