டிரம்பின் பின்னால் சீனா சென்ற ரஷ்ய ஜனாதிபதி புடின்

Donald Trump United States of America China Russia

By Thulsi May 20, 2026 02:42 AM GMT

Thulsi

in சீனா

Report

ரஷ்ய ஜனாதிபதி விளாடிமிர் புடின் சீனாவின் பீஜிங் நகரைச் சென்றடைந்துள்ளதாக வெளிநாட்டு ஊடகங்கள் செய்தி வெளியிட்டுள்ளன.

சீன-ரஷ்ய நட்புறவு ஒப்பந்தத்தின் 25-வது ஆண்டு நிறைவை ஒட்டி புடினின் சீனா பயணம் திட்டமிடப்பட்டிருந்ததாக கிரெம்ளின் ஓர் அறிக்கையில் தெரிவித்துள்ளது.

இந்த விஜயத்தின் போது அவர் சீன ஜனாதிபதி ஷி ஜின்பிங்கை சந்தித்து இருதரப்பு பேச்சுவார்த்தைகளை நடத்தவுள்ளதாக குறிப்பிடப்பட்டுள்ளது.

சிக்கலான உறவு

ரஷ்ய ஜனாதிபதியின் இந்த விஜயத்தை முன்னிட்டு பீஜிங் நகரின் பாதுகாப்பு பலப்படுத்தப்பட்டிருந்ததாக சர்வதேச ஊடகம் தெரிவித்துள்ளது .

டிரம்பின் பின்னால் சீனா சென்ற ரஷ்ய ஜனாதிபதி புடின் | Putin Meets Xi Russia And China Need Each Other

உலகின் மூலோபாய முக்கியத்துவம் வாய்ந்த நீர்வழிகளில் ஒன்று அச்சுறுத்தலுக்கு உள்ளாகியுள்ள நிலையில், சீனா நம்பகமான தரைவழி எரிசக்தி வழங்குநராக ரஷ்யாவை அதிகளவில் நாடியுள்ளதாக தெரிவிக்கப்படுகிறது

மாஸ்கோவும் பெய்ஜிங்கும் வாஷிங்டனுடன் சிக்கலான உறவுகளைக் கையாண்டு வரும் நிலையில், டிரம்பின் வெளியுறவுக் கொள்கையின் கணிக்க முடியாத தன்மையானது ரஷ்யாவையும் சீனாவையும் மேலும் நெருக்கமாகத் தள்ளும் விளைவை ஏற்படுத்தியுள்ளது என்று ஆய்வாளர்கள் கூறுகின்றனர்.

அமெரிக்க ஜனாதிபதி டிரம்ப் தனது சீன விஜயத்தை நிறைவு செய்து ஒரு வாரம் நிறைவடைவதற்குள், இந்த ராஜதந்திர விஜயம் ஏற்பாடு செய்யப்பட்டுள்ளமை குறிப்பிடத்தக்கது.