ரணிலுக்கு எதிரான பொது நிதி முறைகேடு வழக்கு! சட்டமா அதிபர் திணைக்களத்துக்கு விசேட உத்தரவு

புதிய இணைப்பு 

பொது நிதியை முறைகேடாகப் பயன்படுத்தியதாகச் சந்தேகத்தின் பேரில் நீதிமன்றத்தில் முன்னிலையான முன்னாள் ஜனாதிபதி ரணில் விக்ரமசிங்கவின் வழங்கு விசாரணையை செப்டம்பர் 30ஆம் திகதிக்கு நீதிமன்றம் ஒத்திவைத்துள்ளது.

முன்னாள் ஜனாதிபதி ரணில் விக்ரமசிங்க, முன்னாள் ஜனாதிபதி செயலாளர் சமன் ஏகநாயக்க ஆகியோருக்கு எதிராக எடுக்கப்பட வேண்டிய சட்ட நடவடிக்கை குறித்த சட்டமா அதிபரின் நிலைப்பாட்டைத் தெரிவிப்பதற்காக, இவ்வழக்கை குறிப்பிட்ட திகதியில் விசாரணைக்கு அழைக்குமாறு கொழும்பு கோட்டை நீதவான் நீதிமன்றம் உத்தரவிட்டது.

இவ்வழக்கு இன்று (08) கொழும்பு கோட்டை நீதிபதி பாசன் அமரசேன முன்னிலையில் விசாரணைக்கு அழைக்கப்பட்டது.

நீர்கொழும்பு சிறைச்சாலை மோதலில் படுகாயமடைந்த மற்றொரு சிறை அதிகாரி உயிரிழப்பு

விசாரணை முடிவு

அப்போது, ​​இந்தச் சம்பவம் குறித்த விசாரணை முடிவடைந்துவிட்டதாகவும், அதன் அறிக்கை சட்டமா அதிபர் திணைக்களத்தில் சமர்ப்பிக்கப்பட்டுவிட்டதாகவும் குற்றப் புலனாய்வுத் துறை அதிகாரிகள் நீதிமன்றத்தில் தெரிவித்தனர்.

அப்போது, ​​இலங்கை சட்டமா அதிபர் திணைக்களத்தின் மேலதிக சொலிசிட்டர் ஜெனரல் சமதாரி பியசேன, இந்தச் சம்பவம் குறித்த விசாரணைகள் நிறைவடைந்துவிட்டதாகவும், கோப்புகள் சட்டமா அதிபருக்கு அனுப்பப்பட்டுவிட்டதாகவும் நீதிமன்றத்தில் சாட்சியங்களை முன்வைத்து, தனது நிலைப்பாட்டை சட்டமா அதிபருக்குத் தெரிவிப்பதற்கு ஒரு திகதியை வழங்குமாறு கோரினார்.

அப்போது, ​​ரணில் விக்ரமசிங்கவுக்காக முன்னிலையான ஜனாதிபதி சட்டத்தரணி அனுஜா பிரேமரத்ன, இந்த வழக்கிற்கு அடிப்படையான மொத்தப் பணத்தில் சுமார் பாதி வாகனங்களுக்காகச் செலவிடப்பட்டதாகப் புலனாய்வாளர்கள் கூறியுள்ளதாக நீதிமன்றத்தில் சாட்சியங்களை முன்வைத்தார்.

இருப்பினும், ஜனாதிபதி சட்டத்தரணி, அந்த வாகனங்கள் தனது கட்சிக்காரருக்கு பிரித்தானிய அரசாங்கத்தால் வழங்கப்பட்டதாகவும், இது தொடர்பாக பிரித்தானிய அரசாங்கம் எடுத்த நடவடிக்கைகள் அதில் குறிப்பிடப்பட்டுள்ளதாகவும் கூறி, சட்டமா அதிபர் திணைக்களத்திடம் ஒரு ஆவணத்தை ஒப்படைத்தார்.

மேலும், இவ்விவகாரம் குறித்து விசாரணை நடத்தப்பட வேண்டும் என்றும் அவர் கோரியுள்ளார்.

முன்வைக்கப்பட்ட உண்மைகளைப் பரிசீலித்த பின்னர், நீதிபதி, செப்டம்பர் 30 ஆம் திகதி வழக்கை மீண்டும் விசாரணைக்கு அழைக்குமாறு உத்தரவிட்டார்.

முதலாம் இணைப்பு 

நீதிமன்றில் முன்னிலையான ரணில்

முன்னாள் ஜனாதிபதி ரணில் விக்ரமசிங்க நீதிமன்ற விசாரணைக்காக கொழும்பு கோட்டை நீதவான் நீதிமன்றத்தில் சற்றுமுன்னர் முன்னிலையாகியுள்ளார்.

முன்னாள் ஜனாதிபதி ரணில் விக்ரமசிங்க மற்றும் முன்னாள் ஜனாதிபதியின் செயலாளர் சமன் ஏகநாயக்க ஆகியோருக்கு எதிராகத் தாக்கல் செய்யப்பட்ட விசாரணைகளின் முன்னேற்றம் குறித்து இன்று நீதிமன்றத்தில் அறிக்கை சமர்ப்பிக்குமாறு, கொழும்பு கோட்டை நீதித்துறை நீதிமன்றம் குற்றப் புலனாய்வுத் துறைக்கு (CID) உத்தரவிட்டிருந்தது.

அதன்படி ரணில் விக்ரமசிங்க இன்று நீதிமன்றில் முன்னிலையாகியுள்ளார்.

விசாரணை என்ற பெயரில் திருடனே குற்றவாளியை தேடும் படலம்

சந்தேக நபர்கள் மீது குற்றப்பத்திரிகை

இந்த உத்தரவானது கடந்த 29.04.2026 அன்று பிறப்பிக்கப்பட்டது.

அன்றைய தினம் சட்டமா அதிபர் திணைக்களம் சார்பில் முன்னிலையான மேலதிக சொலிசிட்டர் ஜெனரல் திலீப பீரிஸ், குறிப்பிட்ட தினத்துக்கு முன்னர் சந்தேக நபர்கள் மீது குற்றப்பத்திரிகை தாக்கல் செய்ய நடவடிக்கை எடுக்கப்படும் என்று நீதிமன்றத்தில் தெரிவித்திருந்தார்.

இந்த முறைப்பாட்டில் முன்னாள் ஜனாதிபதி ரணில் விக்ரமசிங்கவின் மனைவி மைத்ரி விக்ரமசிங்கவை சந்தேக நபராகச் சேர்ப்பது குறித்து தாங்கள் பரிசீலித்து வருவதாக திலிபா பீரிஸ் மேலும் கூறியிருந்தமை குறிப்பிடத்தக்கது.

மகிந்த அரசாங்கத்தின் முன்னாள் அமைச்சருக்கு வெளிநாட்டு பயண தடை