ரணிலின் வடக்கு சுற்றுப்பயணம்! பூநகரி பிரதேச செயலக அதிகாரிகளுக்கு விடுக்கப்பட்ட பணிப்புரை (படங்கள்)
பூநகரிக்கு உத்தியோகபூர்வ விஜயத்தை மேற்கொண்ட அதிபர் ரணில் விக்ரமசிங்க பூநகரி பிரதேச செயலகத்தில் இடம்பெற்ற கலந்துரையாடலில் கலந்துகொண்டார்
இதன்போது 2024 ஆம் ஆண்டுக்கான வரவு செலவுத் திட்டத்தில் கீழ் பூநகரி நகர அபிவிருத்திக்காக ஒதுக்கப்பட்ட 500 மில்லியன் ரூபா தொடர்பில் கலந்தாலோசிக்கப்பட்டது
அதற்கிணங்க, உரிய அபிவிருத்தி நடவடிக்கைகளை நடைமுறைப்படுத்துமாறு அதிகாரிகளுக்கு பணிப்புரை விடுத்த ரணில், சுற்றுலாத் துறையை மேம்படுத்துதல் மற்றும் புதுப்பிக்கத்தக்க வலுசக்தி உற்பத்தித் திட்டங்களுக்குத் தேவையான உட்கட்டமைப்பு வசதிகளை மேம்படுத்துதல் ஆகியவற்றில் விசேட கவனம் செலுத்துமாறும் அறிவுறுத்தினார்.
பூநகரி கோட்டை
அதன் பின்னர் ரணில் விக்ரமசிங்க பூநகரி கோட்டையையும் பார்வையிட்டார்.
மேலும், பூநகரி பிரதேசத்தில் இயங்கிவரும் உயர்தர முந்திரி உற்பத்தி நிறுவனமான “வன்னி கஜூ” முந்திரி உற்பத்தி நிறுவனத்திற்கும் சென்று அதன் செயற்பாடுகளையும் அவதானித்தார்.
இயந்திரவியல் பொறியாளரான யுவதி ஒருவரால் நடத்தப்படும் இந்த கைத்தொழில் நிறுவனம், யுத்தத்தினால் பாதிக்கப்பட்ட பல இளைஞர்களுக்கு வேலை வாய்ப்பை வழங்கியுள்ளது.
இளைஞர்களுக்கு வேலை வாய்ப்பு
நவீன தொழில்நுட்பத்துடன் இங்கு அனைத்து நடவடிக்கைகளும் நடைபெறுவதோடு, கஜு சுத்தப்படுத்தலில் இருந்து அதன் இறுதி செயற்பாடு வரையில் பயன்படுத்தப்படும் அனைத்து இயந்திரங்களும் குறித்த யுவதியால் தயாரிக்கப்பட்டிருக்கின்றமை சிறப்பம்சமாகும்.
இந்த தொழில் நிறுவனமானது தேசிய பொருளாதாரத்திற்கு வழங்கும் பங்களிப்பைப் பாராட்டிய ரணில் விக்ரமசிங்க, இது நாட்டின் ஏனைய இளைஞர் யுவதிகளுக்கும் முன்னுதாரணமாகும் என்றும் குறிப்பிட்டார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள் |
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
