நாட்டை நெருக்கடியில் இருந்து மீட்க ரணிலை அழைக்கும் முன்னாள் எம்.பி
இலங்கை கடந்த காலத்தில் சந்தித்த அனைத்து நெருக்கடியான சூழ்நிலைகளையும் முன்னாள் ஜனாதிபதி ரணில் விக்ரமசிங்கவே கையாண்டார் என்று கூறிய ஐக்கிய தேசியக் கட்சி முன்னாள் நாடாளுமன்ற உறுப்பினர் சமன் ரத்னப்பிரிய, நாடு தற்போது சந்திக்கும் நெருக்கடிச் சூழ்நிலையையும் விக்ரமசிங்கவே கையாள வேண்டும் என்று இன்று(25) தெரிவித்தார்.
சிங்கப்பூரில் அறுவை சிகிச்சை செய்துகொண்ட முன்னாள் ஜனாதிபதி ரணில் விக்ரமசிங்கவுக்கு ஆசி வேண்டி, பெல்லன்வில ராஜமகா விகாரையில் நடைபெற்ற ஒரு மத அனுசரிப்பில் கலந்துகொண்ட பின்னர் செய்தியாளர்களிடம் அவர் இவ்வாறு தெரிவித்தார்.
அரசாங்கத்திற்கு அறிவோ திறமையோ இல்லை
வாழ்க்கைச் செலவு தொடர்ந்து அதிகரித்து வருவதாகவும், எரிபொருள் விலை உயர்வுக்குப் பிறகு மற்ற அனைத்து இறக்குமதிப் பொருட்களின் விலைகளும் அதிகரிக்கும் என்றும் ரத்னப்பிரிய கூறினார்.
பேருந்துக் கட்டணங்கள் உயர்த்தப்பட்டுள்ளன, ரயில் கட்டணங்களும் உயர்த்தப்பட உள்ளன. இந்தச் சூழ்நிலையைக் கையாள இந்த அரசாங்கத்திற்கு அறிவோ திறமையோ இல்லை.
நாடு மேலும் நெருக்கடிக்குள் செல்கிறது. இந்த நெருக்கடியை நாம் ஒரு நாடாகவும் மக்களாகவும் எதிர்கொள்ள வேண்டும். இந்தச் சூழ்நிலையை யாராவது கையாள வேண்டும்.
தற்போதைய நெருக்கடியை ரணிலே கையாள வேண்டும்
நாடு சந்தித்த அனைத்து நெருக்கடியான சூழ்நிலைகளையும் ரணில் விக்ரமசிங்கதான் கையாண்டார் என்பது அனைவருக்கும் தெரியும். இந்த நெருக்கடியையும் அவரே கையாள வேண்டும் என நாங்கள் விரும்புகிறோம்.
எனவே, நாட்டைப் பொறுப்பேற்க அவர் நல்ல உடல் நலத்துடன் இருக்க வேண்டும்," என்று அவர் குறிப்பிட்டார்.
எரிபொருள் மற்றும் எரிவாயு விலைகளைக் குறைப்பது உள்ளிட்ட, மக்களுக்கு அளித்த வாக்குறுதிகளை நிறைவேற்றுவதில் அரசாங்கம் தோல்வியடைந்துள்ளது என்று ரத்னப்பிரிய கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
