யாழ் தென்மராட்சி பகுதியில் கிளைமோர் குண்டுகள் மீட்பு
யாழில் இரண்டு கிளைமோர் குண்டுகள் கண்டெடுக்கப்பட்டுள்ளதாக சாவகச்சேரி காவல்துறையினர் தெரிவித்துள்ளனர்.
தென்மராட்சி - சாவகச்சேரி பிரதேசத்தில் கிளைமோர் குண்டுகள் கண்டுபிடிக்கப்பட்டுள்ளதாக தெரிவிக்கப்பட்டுள்ளது.
குறித்த இரு கிளைமோர் குண்டுகளும் சாவகச்சேரி காவல்துறைப் பிரிவிற்குட்பட்ட மட்டுவில் பகுதியில் பன்றித்தலைச்சி அம்மன் கோவிலுக்கும் பொருளாதார மத்திய நிலையத்திற்கும் இடைப்பட்ட பகுதியில் வீதியில் இருந்து சுமார் 15 மீற்றர் தொலைவில் கண்டுபிடிக்கப்பட்டிருப்பதாக காவல்துறையினர் தெரிவிக்கின்றனர்.
மேலதிக விசாரணை
பழைய இரும்புகளை சேகரிக்கும் வியாபாரி ஒருவர் வழங்கிய தகவலின் பேரில் குறித்த இடத்திற்கு விரைந்த சாவகச்சேரி காவல்துறையினர் அந்த இடத்தை பார்வையிட்டுள்ளனர்.
கண்டுபிடிக்கப்பட்டது கிளைமோர் குண்டுகள் என்பதனை அடையாளம் கண்டுகொண்ட காவல்துறையினர் குண்டுகளை மீட்பதற்கான நடவடிக்கைகளை முன்னெடுத்து வருகின்றனர்.
மேலும் சம்பவம் தொடர்பிலான மேலதிக விசாரணைகளும் முன்னெடுக்கப்பட்டு வருகின்றமை குறிப்பிடத்தக்கது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
