1.7 பில்லியன் டாலர் கடனில் ரிச் டாட் புவர் டாட்

Dollars World

By Dharu Sep 03, 2026 10:05 AM GMT

Dharu

in சமூகம்

Report

உலகப் புகழ்பெற்ற ‘Rich Dad Poor Dad’ நூலின் ஆசிரியரும் நிதி ஆலோசகருமான ராபர்ட் கியோசாகி, தனது ரியல் எஸ்டேட் முதலீடுகளுடன் தொடர்புடைய சுமார் 1.2 பில்லியன் அமெரிக்க டொலர் கடன் இருப்பதாக தெரிவித்துள்ளார்.

செல்வந்தர்கள் வருமானம் ஈட்டக்கூடிய சொத்துகளை வாங்குவதற்கு கடனைப் பயன்படுத்துவதாக நீண்டகாலமாக வலியுறுத்தி கியோசாகி வலியுறுத்தி வருகின்றார்.

இந்நிலையில் கடனை சரியான முறையில் பயன்படுத்துவதற்கு நிதி அறிவு அவசியம் என்றும் தெரிவித்துள்ளார்.

1.2 பில்லியன் டொலர் கடன்

எனினும், 1.2 பில்லியன் டொலர் முழுவதும் கியோசாகியின் தனிப்பட்ட கடன் அல்ல என அவரது முன்னாள் மனைவியும் வர்த்தகப் பங்காளியுமான கிம் கியோசாகி தெரிவித்துள்ளார்.

1.7 பில்லியன் டாலர் கடனில் ரிச் டாட் புவர் டாட் | Rich Dad Poor Dad In 1 7 Billion Doller Debt

தாங்கள் பங்காளிகளுடன் இணைந்து சுமார் 1,500 அடுக்குமாடி குடியிருப்பு அலகுகளை வைத்திருப்பதாகவும், அவற்றுடன் தொடர்புடைய கடனே பெரும்பகுதி எனவும் அவர் விளக்கியுள்ளார்.

கியோசாகியின் முதலீட்டு உத்தியின்படி, சொத்துகளின் மதிப்பு உயரும்போது அவற்றின் அதிகரித்த மதிப்பை அடிப்படையாகக் கொண்டு மீண்டும் கடன் பெறுகிறார்.

அந்தப் பணத்தை புதிய முதலீடுகளுக்குப் பயன்படுத்துகிறார். மேலும், ஒவ்வொரு முதலீட்டையும் தனித்தனி நிறுவனங்களின் கீழ் வைத்திருப்பதன் மூலம் ஒரு முதலீட்டில் ஏற்படும் பிரச்சினை மற்ற சொத்துகளை பாதிக்காத வகையில் பாதுகாப்பு ஏற்பாடுகளை செய்துள்ளதாக தெரிவிக்கப்பட்டுள்ளது.

இதனிடையே, கியோசாகியின் தனிப்பட்ட பங்கு கடன் சுமார் 30 முதல் 60 மில்லியன் டொலர் வரை இருக்கலாம் என Vanity Fair மதிப்பிட்டுள்ளது.

ரியல் எஸ்டேட் சொத்துகளை அடிப்படையாகக் கொண்டு கடன் பெறுவது பொதுவான முதலீட்டு நடைமுறை என சில நிபுணர்கள் தெரிவித்துள்ளனர். இருப்பினும், அதிகளவிலான கடன் சொத்து மதிப்பு அல்லது வருமானம் குறையும் சூழ்நிலையில் மிகப்பெரிய நிதிச் சுமையாக மாறக்கூடும் எனவும் எச்சரிக்கப்பட்டுள்ளது.

1997ஆம் ஆண்டு வெளியான ‘Rich Dad Poor Dad’ நூல் உலகளவில் 44 மில்லியனுக்கும் அதிகமான பிரதிகள் விற்பனையாகியுள்ளதாக தெரிவிக்கப்பட்டுள்ளது.

இந்த நூலின் மூலம் கியோசாகி, ரியல் எஸ்டேட் மற்றும் பிற வருமானம் ஈட்டும் சொத்துகளில் முதலீடு செய்வதைப் பிரபலப்படுத்தியுள்ளார். கியோசாகியின் கூற்றுப்படி, முதலீட்டுக்காக பயன்படுத்தப்படும் “நல்ல கடன்” மற்றும் அன்றாட செலவுகளுக்காக பயன்படுத்தப்படும் கடன் ஆகியவற்றை முதலீட்டாளர்கள் வேறுபடுத்திப் புரிந்துகொள்ள வேண்டும்.