வலுக்கும் ரஷ்ய - உக்ரைன் போர்: ஒரே நாளில் பலியான நூற்றுக்கணக்கானோர்

Russo-Ukrainian War Ukraine World Russia

By Dilakshan Oct 22, 2023 09:00 AM GMT

Dilakshan

in உலகம்

Report

உக்ரைன் மீதான தாக்குதலில் உக்ரைனை சேர்ந்த 155 இராணுவ வீரர்கள் கொல்லப்பட்டதாக ரஷ்ய இராணுவ செய்தித்தொடர்பாளர் வாடிம் அஸ்டாபியேவ் கூறியுள்ளார்.

குறித்த தாக்குதலானது உக்ரைனின் டொனெட்ஸ்க் பிராந்தியத்தில் உள்ள இராணுவ முகாம் மீது நடத்தப்பட்டுள்ளது.

நேட்டோ கூட்டமைப்பில் இணைய முயன்றதால் உக்ரைன் மீது சிறப்பு இராணுவ நடவடிக்கை என்ற பெயரில் ரஷ்யா போர் தொடுத்தது.

தாக்குதல்கள் தீவிரம்

கடந்த ஆண்டு பெப்ரவரி மாதம் தொடங்கிய இந்த போரானது 20 மாதங்களாக நடைபெற்று வருகிறது. அமெரிக்கா மற்றும் ஐரோப்பிய நாடுகளின் பொருளாதார உதவியால் போரில் உக்ரைனும் பதிலடி தாக்குதல் நடத்துகின்றது.

வலுக்கும் ரஷ்ய - உக்ரைன் போர்: ஒரே நாளில் பலியான நூற்றுக்கணக்கானோர் | Russia Vs Ukraine Latest Updates

இந்த போரை நிறுத்தும்படி ஐ.நா.சபை மற்றும் உலக நாடுகள் பலவும் வலியுறுத்தி வருகின்றன. எனினும் போர் முடிவு காணாமல் நடைபெற்றுவருகிறது.

சமீப காலமாக உக்ரைனின் பகுதிகளை கைப்பற்றும் முனைப்பில் ரஷ்யா தீவிரமாக களமிறங்கி உள்ளது. எனவே தாக்குதலை தீவிரப்படுத்தும்படி இராணுவத்தினருக்கு ரஷிய அதிபர் புடின் உத்தரவிட்டுள்ளார்.

ஏவுகணை தாக்குதல்

இதனால் உக்ரைனுக்கு சொந்தமான குபியன்ஸ்க், லைமன் உள்ளிட்ட பகுதிகளில் தொடர் தாக்குதல் நடத்தப்பட்டு வருகிறது.அதன்படி உக்ரைன் அதிபர் ஜெலன்ஸ்கியின் சொந்த ஊரான கிரிவ்யிரி மீது ஏவுகணை தாக்குதல் நடத்தப்பட்டது.

மேலும், குடியிருப்பு பகுதியில் நடந்த இந்த தாக்குதலில் முதியவர் உள்பட இருவர் கொல்லப்பட்டனர். அதேபோல் டொனெட்ஸ்க் பிராந்தியத்தில் உள்ள இராணுவ முகாம் மீது டிரோன் தாக்குதல் மற்றும் பீரங்கிகளை கொண்டு தாக்குதல் நடத்தப்பட்டது.

இந்த தாக்குதலில் உக்ரைனை சேர்ந்த 155 இராணுவ வீரர்கள் கொல்லப்பட்டதாக ரஷ்ய இராணுவ செய்தித்தொடர்பாளர் வாடிம் அஸ்டாபியேவ் கூறியுள்ள நிலையில் உக்ரைன் தரப்பில் இதுகுறித்து எவ்வித தகவலும் அளிக்கப்படவில்லை என தெரிவிக்கப்பட்டுள்ளது.