ரஷ்யாவை சர்வதேச விசாரணைக்கு அழைத்த உக்ரைன்
ரஷ்ய இராணுவ விமானம் விழுந்து நொறுங்கிய விவகாரம் தொடர்பான சர்வதேச விசாரணை நடத்தப்பட வேண்டும் என உக்ரைன் வலியுறுத்தியுள்ளது.
நேற்று முன் தினம் (24) ரஷ்யாவின் பெல்கராட் நகரில் இருந்து உக்ரைன் போா்க் கைதிகளை ஏற்றி வந்த விமானம் விழுந்து நொறுங்கியதில் 65 உக்ரைன் போா்க் கைதிகள் உள்பட 75 போ் உயிரிழந்ததாகக் கூறப்படுகிறது.
இது தொடர்பாக அந்த நாட்டு அதிபா் வோலோடிமிர் ஜெலென்ஸ்கி கூறுகையில்,
உக்ரைன்தான் சுட்டு வீழ்த்தியது
"அந்த விமானம் ஏன் விழுந்து நொறுங்கியது, அதில் இருந்தவா்கள் யாா் என்பது குறித்து தெரிந்துகொள்வது அவசியம்.
உக்ரைனியா்களின் உயிருடன் விளையாடுவது ரஷ்யாவின் வழக்கமாகியுள்ளது, எனவே, இந்த விவகாரம் குறித்து சா்வதேச விசாரணை நடத்தப்பட வேண்டும்." என்றார்.
முன்னதாக, 65 உக்ரைன் போா்க் கைதிகளை ஏற்றிக் கொண்டு தங்களுக்குச் சொந்தமான இல்யுஷின் எல் - 76 ரகத்தைச் சோ்ந்த விமானம் எல்லை நகரான பெல்கராட் வான் பகுதியில் நேற்று முன்தினம் சென்று கொண்டிருந்தபோது அது விழுந்து நொறுங்கியதாக ரஷ்ய ராணுவம் கூறியது.
உக்ரைன் தான் அந்த விமானத்தை சுட்டு வீழ்த்தியதாக ரஷ்யா குற்றஞ்சாட்டியது.
பாதுகாப்புக்கு அச்சுறுத்தல்
ரஷ்யாவுக்கும், உக்ரைனுக்கும் இடையே மேற்கொள்ளப்பட்டுள்ள கைதிகள் பரிமாற்ற ஒப்பந்தத்தின் கீழ், உக்ரைன் போா்க் கைதிகளை விடுவித்து அந்த நாட்டிடம் ஒப்படைப்பதற்காக அவா்கள் அந்த விமானத்தில் அழைத்துச் சொல்லப்பட்டபோது அது சுட்டு வீழ்த்தப்பட்டதாக ரஷ்யா மேலும் கூறுகிறது.
எனினும், இந்தக் குற்றச்சாட்டை உக்ரைன் மறுத்து வருகிறது.
நேட்டோவில் உக்ரைன் இணைவது தங்கள் நாட்டு பாதுகாப்புக்கு அச்சுறுத்தல் என்று ரஷ்யா கூறி வரும் நிலையில், அந்த ராணுவக் கூட்டமைப்பில் இணைய உக்ரைன் விருப்பம் தெரிவித்தது
அதனைத் தொடா்ந்து, அந்த நாட்டின் மீது ரஷ்யா கடந்த 2022 பெப்ரவரி மாதம் படையெடுத்து, உக்ரைனின் கிழக்கு மற்றும் தெற்குப் பகுதியைச் சோ்ந்த 4 மாகாணங்களின் கணிசமான பகுதிகளைக் கைப்பற்றியது.
அந்த மாகாணங்களில் எஞ்சிய பகுதிகளை கைப்பற்ற ரஷ்யாவும், இழந்த பகுதிகளை மீட்க உக்ரைனும் தொடர்ந்து போரிட்டு வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
