ஈஸ்டர் தாக்குதல் விசாரணையில் திருப்பத்தை ஏற்படுத்திய சஜித்தின் நாடாளுமன்றக் குற்றச்சாட்டுகள்

ஈஸ்டர் தாக்குதலுக்குப் பின்னர் இடம்பெற்றதாகக் கூறப்படும் விடயங்களை நேற்று முன்தினம் நீதிமன்றில் சட்டமா அதிபர் திணைக்களம் முன்வைத்த நிலையில் அதில் பல அரசியல் பிரமுகர்களின் பெயர்களும் அதனுடன் வெளிப்பட்டிருந்தது.

சுரேஷ் சாலேவை மையப்படுத்தி முன்வைக்கப்பட்ட இந்த சமர்பணங்களில் கோட்டாபய ராஜபக்ச, ரிஷாட் பதியுதீன் உள்ளிட்ட அரசியல் தலைமைகளின் பெயர்கள் இடம்பெற்றிருந்தன.

இந்நிலையில் இதனை கடந்து விசாரணைக்காக எதிர்கட்சி தலைவரும் உள்வாங்கப்பட்டவுள்ளதாக சட்டமா அதிபர் திணைக்களம் தெரிவித்த கருத்துக்கள் கவனம் பெற்றுள்ளது.

ஈஸ்டர் தாக்குதல் விவகாரத்தில் விரைவில் கைதாகப்போகும் கோட்டாபய! நீதிமன்றத்தில் அம்பலமான தகவல்

பிரதான சதித்திட்டக்காரர்

இதன்போது எதிர்கட்சி தலைவரின் பெயரை உள்வாங்க சட்டமா அதிபர் பின்வரும் வாதங்களை முன்வைத்திருந்தார்,

“தாக்குதலுடன் தொடர்புடைய நடவடிக்கைகள் மற்றும் தொடர்புகளை மறைப்பதற்காக சுரேஷ் சாலே அரச புலனாய்வு சேவையின் பணிப்பாளராக நியமிக்கப்பட்டார்.

சுரேஷ் சாலே உள்ளிட்ட சிலர் பிரதான சதித்திட்டக்காரர்களை மறைத்ததாக தாங்கள் மாத்திரம் கூறவில்லை. எதிர்க்கட்சித் தலைவர் உள்ளிட்ட நாடாளுமன்ற உறுப்பினர்கள் இதுகுறித்து முன்னதாகவே நாடாளுமன்றத்தில் தெரிவித்துள்ளார்.

அவர்களிடமிருந்தும் எதிர்காலத்தில் வாக்குமூலங்கள் பதிவு செய்யப்படவுள்ளது.” என நீதிமன்றத்தில் தெரிவிக்கப்பட்டுள்ளது.

உயிர்த்த ஞாயிறு தாக்குதல் சதிகாரர்களுக்கு அரசியல் பாதுகாப்பு வழங்கிய ரிஷாத் பதியுதீன்

சஜித் அன்று கூறிய கருத்து,

1. புலனாய்வுப் பிரிவினரின் தொடர்புகள் மற்றும் "சோனிக் சோனிக்" விவகாரம்

தாக்குதலின் பிரதான சூத்திரதாரியான சஹ்ரான் ஹாஷிமின் பயங்கரவாதக் குழுவோடு நெருங்கிய தொடர்பிலிருந்ததாகக் கூறப்படும், "சோனிக் சோனிக்" (Sonic Sonic) என்ற குறியீட்டுப் பெயரைக் கொண்ட சந்தேக நபர் பயன்படுத்திய இணைய நெறிமுறை முகவரி (IP Address) குறித்த தரவுகள் சஜித் பிரேமதாசவால் வெளிப்படுத்தப்பட்டது.

குறித்த IP முகவரியானது இலங்கையின் அரச புலனாய்வுச் சேவையின் (SIS) உத்தியோகபூர்வ வலையமைப்போடு தொடர்பைக் கொண்டுள்ளமைக்கான பலத்த தொழில்நுட்பச் சந்தேகங்களை சஜித் பிரேமதாச நாடாளுமன்றத்தில் சுட்டிக்காட்டினார்.

இது தாக்குதலுக்கு முந்தைய உளவுத்துறைத் தொடர்புகளை மூடிமறைப்பதற்கான சான்றாக அமையலாம் என்பதால், எவ்வித அரசியல் தலையீடுமற்ற வெளிப்படையான கணினிசார் தடயவியல் விசாரணை (Digital Forensic Investigation) நடத்தப்பட வேண்டும் என அவர் வலியுறுத்தினார்.

இந்தியாவுக்கு அனுப்பப்பட்ட சாரா உள்ளிட்ட குழு! விடுதலைப்புலிகள் அமைப்பின் முன்னாள் உறுப்பினரின் துல்லிய தகவல்

அரசியல் அழுத்தம்

2. உள்நாட்டு விசாரணைகளின் மீதான அரசியல் அழுத்தம் மற்றும் சர்வதேச தலையீட்டின் அவசியம்

உள்நாட்டுப் புலனாய்வு மற்றும் குற்றப் புலனாய்வுப் பிரிவுகள் (CID) மீதான தொடர்ச்சியான அரசியல் செல்வாக்குகள், அதிகார அழுத்தங்கள் மற்றும் இடமாற்றங்கள் குறித்து சஜித் கேள்வி எழுப்பினார்.

இலங்கையின் தற்போதைய கட்டமைப்பு ரீதியான மற்றும் அரசியல் ரீதியான எல்லைகளுக்குள் இந்தத் தாக்குதலின் உண்மையான குற்றவாளிகளைக் கண்டறிவது சாத்தியமற்றது என அவர் வாதிட்டார்.

எனவே, உலகளாவிய நம்பகத்தன்மையைப் பெறுவதற்கும் நடுநிலையான நீதியை நிலைநாட்டுவதற்கும், சர்வதேச பாதுகாப்பு நிறுவனங்கள் மற்றும் சர்வதேச புலனாய்வு அமைப்புகளின் நேரடி கூட்டு ஒத்துழைப்புடன் கூடிய ஒரு சுயாதீன விசாரணை கட்டாயமாக்கப்பட வேண்டும் என அவர் கோரினார்.

3. ஜனாதிபதி விசாரணை ஆணைக்குழு அறிக்கைகள் முடக்கப்படுதல்

உயிர்த்த ஞாயிறு தாக்குதல் தொடர்பாக நியமிக்கப்பட்ட ஜனாதிபதி விசாரணை ஆணைக்குழுக்களின் (PCoI) இறுதி அறிக்கைகள் மற்றும் அவற்றின் பரிந்துரைகள் குறித்து சஜித் கேள்வி எழுப்பியிருந்தார்.

பாதிக்கப்பட்ட கத்தோலிக்க சமூகத்திற்கு நீதியை வழங்குவதைக் காட்டிலும், முந்தைய அரசாங்கங்கள் இந்த உத்தியோகபூர்வ அறிக்கைகளைத் தங்களின் அரசியல் பிரச்சாரங்களுக்கும், பழிவாங்கல்களுக்கும் சாதகமாகப் பயன்படுத்தி, முக்கிய பரிந்துரைகளை ஆவணக் காப்பகங்களுக்குள் (Archives) திட்டமிட்டு முடக்கி வைத்துள்ளதாக அவர் சாடினார்.

இந்த மறைக்கப்பட்ட ஆவணங்கள் அனைத்தும் எவ்விதத் தணிக்கையுமின்றி முழுமையாகப் பொதுவெளியில் பகிரங்கப்படுத்தப்பட வேண்டும் என்பது அவரது பிரதான கோரிக்கையாகும் என்றார்.

சோனிக் சோனிக்

4. 2021 மே மாதமளவில் நாடாளுமன்றக் குழுமங்களில் கவனம் செலுத்தத் தொடங்கினார்.

அவரது ஐக்கிய மக்கள் சக்தி (SJB) நாடாளுமன்ற உறுப்பினர்கள் (ஹரின் பெர்னாண்டோ உள்ளிட்டோர்) "சோனிக் சோனிக்" மற்றும் சுரேஷ் சாலேவின் உளவுத்துறைத் தொடர்புகள் குறித்த அதிர்ச்சியூட்டும் உண்மைகளை நாடாளுமன்றத்தில் வெளிப்படுத்திய போது அவர் இதற்கு அரசியல் ரீதியான ஆதரவை வழங்கினார்.

உயிர்த்த ஞாயிறு பயங்கரவாதத் தாக்குதலின் பின்னணியில் இருந்த உண்மையான குற்றவாளிகள் மற்றும் சதிகாரர்களைப் பாதுகாப்பதற்காகவே சுரேஷ் சாலே திட்டமிட்டுப் பயன்படுத்தப்பட்டார் என சஜித் பிரேமதாச குற்றம் சாட்டினார்.

குறிப்பாக, தாக்குதலுடன் தொடர்புடைய முக்கிய அரசியல் மற்றும் உளவுத்துறைத் தொடர்புகள் பொதுவெளியில் வெளிவராமல் தடுப்பதற்கான ஒரு "மூடிமறைப்புச் கருவியாக" அவர் செயற்பட்டுள்ளார் என நாடாளுமன்றத்தில் சாடினார்.