சம்பந்தனும் சுமந்திரனும் தமிழினத்தின் துரோகிகள்! மொட்டு எம்.பி. பகிரங்கம்
"தமிழ்த் தேசியக் கூட்டமைப்பின் முக்கியஸ்தர்களான சம்பந்தனும் சுமந்திரனும் தமிழினத்துக்குத் துரோகம் செய்தவர்கள்." என சிறிலங்கா பொதுஜன பெரமுனவின் தேசிய ஏற்பாட்டாளரும் நாடாளுமன்ற உறுப்பினருமான ரோஹித அபேகுணவர்தன (Rohitha Abeygunawardena) தெரிவித்துள்ளார்.
குறித்த விடயத்தை கொழும்பில் நேற்று (7) ஊடகங்களிடம் கருத்துரைக்கும்போதே அவர் இவ்வாறு குறிப்பிட்டுள்ளார்.
இது தொடர்பில் ரோஹித அபேகுணவர்தன மேலும் கருத்து தெரிவிக்கையில், "முன்னாள் அதிபர் மகிந்த ராஜபக்ச தமிழ் மக்களின் பிரச்சினைக்குத் தீர்வு வழங்கப் பல தடவைகள் முன்வந்தபோது சம்பந்தனும், சுமந்திரனுமே அதனைக் குழப்பியடித்தார்கள்.
தமிழினத்துக்குத் துரோகம்
இரா.சம்பந்தனும் (R. Sampanthan), எம்.ஏ. சுமந்திரனும் (M. A. Sumanthiran) ராஜபக்சக்களுக்கு எதிரான சர்வதேச நாடுகளின் நிகழ்ச்சி நிரலில் செயற்படுபவர்கள்.
வெளிநாடுகளிடம் நிதியைப் பெற்றுக்கொண்டு தமிழினத்துக்குத் துரோகம் செய்த அவர்கள் இருவருக்கும் எதிர்வரும் நாடாளுமன்றத் தேர்தலில் வடக்கு, கிழக்கு மக்கள் பாடம் புகட்ட வேண்டும்.
மொட்டுக் கட்சியே வெற்றி
தமிழ்த் தேசியக் கூட்டமைப்பு தேர்தலில் படுதோல்வியடைய வேண்டும்.எதிர்வரும் அதிபர் தேர்தல் மற்றும் நாடாளுமன்றத் தேர்தலில் மொட்டுக் கட்சியே வெற்றியடையும்.
எனவே, தமிழ் மக்கள் எமது கட்சியின் பின்னால் அணி திரள வேண்டும். தமிழ் மக்களின் பிரச்சினைக்கு நாம் தீர்வு வழங்குவோம்." என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள். |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026