யாழில் பாடசாலை ஒன்றில் 7 மாதங்களாக துண்டிக்கப்பட்ட மின்சாரம் மீண்டும் இணைப்பு!

Jaffna Northern Province of Sri Lanka Sri Lankan Schools

By Laksi May 13, 2024 10:23 AM GMT

Laksi

in சமூகம்

Report

யாழ்ப்பாணம் (jaffna) தீவகப் பகுதிக்கு உட்பட்ட ஊர்காவற்துறை (Kayts) பாடசாலை ஒன்றில் ஏழு மாதங்களாக துண்டிக்கப்பட்ட மின்சாரம் மீண்டும் வழங்கப்பட்டுள்ளதாக தெரிவிக்கப்படுகின்றது.

மின்சாரம் துண்டிக்கப்பட்ட சம்பவம் தொடர்பில் பத்திரிகைகள் மற்றும் இணைய ஊடகங்களில் செய்திகள் வெளிவந்த நிலையில் வடமாகாண பிரதம செயலாளரின் தலையீட்டினால் மீண்டும் மின்சாரம் வழங்கப்பட்டுள்ளது.

இது தொடர்பில் தெரியவருவதாவது, குறித்த பாடசாலையில் மின்சார இணைப்புக்கான பட்டியல் நிலுவைத் தொகை வலயக் கல்வி பணிமனையினால் செலுத்தப்படாத நிலையில் குறித்த பாடசாலையின் மின்சாரம் துண்டிக்கப்பட்டுள்ளது.

மீண்டும் மின்சாரம்

துண்டிக்கப்பட்ட மின்சாரத்தை மீளப் பெறுவதற்கு தண்டப் பணமாக சுமார் 3000 ரூபாய் வரை செலுத்த வேண்டும்.

யாழில் பாடசாலை ஒன்றில் 7 மாதங்களாக துண்டிக்கப்பட்ட மின்சாரம் மீண்டும் இணைப்பு! | School Jaffna Gets Electricity After Seven Months

இதனையடுத்து தண்டப் பணத்தை வலயக் கல்வி பணிமனை செலுத்தினால் கணக்காய்வு திணைக்களத்துக்கு காரணம் கூற வேண்டி வரும் என்ற காரணத்தினால் பணத்தைச் செலுத்ததாது காலம் தாழ்த்தி வந்துள்ளதாக குற்றச்சாட்டு எழுந்தது.

இந்த நிலையில் குறித்த விடயம் தொடர்பில் அச்சு ஊடகங்கள் மற்றும் இணையத்தளங்கள் செய்தி வெளியிட்ட நிலையில் வடமாகாண பிரதமர் செயலாளர் இ.இளங்கோவனின் துரித நடவடிக்கை காரணமாக வடமாகாண கல்வி அமைச்சின் செயலாளருக்கு வழங்கப்பட்ட பணிப்புரையின் காரணமாக குறித்த பாடசாலைக்கு மீண்டும் மின்சாரம் வழங்கப்பட்டுள்ளது.