சிரேஷ்ட பிரதி காவல்துறை மா அதிபர் வருண ஜயசுந்தரவுக்கு திடீர் இடமாற்றம்!

Sri Lanka Police Easter Attack Sri Lanka Eastern Province

By Sathangani Jul 17, 2026 04:45 AM GMT

Sathangani

in சமூகம்

Report

கிழக்கு மாகாணத்திற்குப் பொறுப்பான சிரேஷ்ட பிரதி காவல்துறை மா அதிபர் (SDIG) வருண ஜயசுந்தர, உடனடியாக நடைமுறைக்கு வரும் வகையில் இடமாற்றம் செய்யப்பட்டுள்ளதாக காவல்துறை தரப்பு தெரிவித்துள்ளது.

அதன்படி, அவர் காவல்துறை தலைமையகத்தின் சிறுவர் மற்றும் மகளிர் பணியகத்திற்கு இடமாற்றம் செய்யப்பட்டுள்ளதாக தெரிவிக்கப்பட்டுள்ளது.

அதற்கமைய வருண ஜயசுந்தர, காவல்துறை தலைமையகத்தின் சிறுவர் மற்றும் மகளிர் பணியகத்திற்குப் பொறுப்பான சிரேஷ்ட பிரதி காவல்துறை மா அதிபராகத் தனது கடமைகளைப் பொறுப்பேற்பார் என குறிப்பிடப்பட்டுள்ளது.

புதிய காவல்துறை மா அதிபர் நியமனம்

காவல்துறை மா அதிபர் பிரியந்த வீரசூரியவினால் இந்த இடமாற்ற உத்தரவு பிறப்பிக்கப்பட்டுள்ளதாக தெரிவிக்கப்படுகின்றது.

இந்த நிலையில் ஊவா மாகாணத்திற்குப் பொறுப்பான சிரேஷ்ட பிரதி காவல்துறை மா அதிபராகக் கடமையாற்றிய மகேஷ் சேனரத்ன,வெற்றிடமாகியுள்ள கிழக்கு மாகாண சிரேஷ்ட பிரதி காவல்துறை மா அதிபர் பதவிக்கு உடனடியாக நியமிக்கப்பட்டுள்ளார்.

சிரேஷ்ட பிரதி காவல்துறை மா அதிபர் வருண ஜயசுந்தரவுக்கு திடீர் இடமாற்றம்! | Sdig Waruna Jayasundara Transferred

பாதுகாப்பு அமைச்சின் அனுமதி மற்றும் காவல்துறை திணைக்களத்தின் சேவைத் தேவை கருதி இந்த இடமாற்றங்கள் மேற்கொள்ளப்பட்டுள்ளதாகத் குறிப்பிடப்படுகிறது.

சிரேஷ்ட பிரதி காவல்துறை மா அதிபர் மகேஷ் சேனரத்ன ஊவா மாகாணத்திலிருந்து இடமாற்றம் பெற்று, கிழக்கு மாகாணத்திற்கான ஒட்டுமொத்த காவல்துறை பாதுகாப்புக் கட்டமைப்பு மற்றும் நிர்வாகப் பணிகளைப் பொறுப்பேற்கவுள்ளார்.

இவ்விடமாற்றங்கள் தொடர்பான உத்தியோகபூர்வ ஆவணங்கள் மற்றும் அறிவுறுத்தல்கள் காவல்துறை தலைமையகத்தினால் சம்பந்தப்பட்ட அதிகாரிகளுக்கு ஏற்கனவே அனுப்பி வைக்கப்பட்டுள்ளதாக காவல்துறை வட்டாரங்கள் தெரிவிக்கின்றன.

மேலதிக தகவல்கள் - பாறுக் ஷிஹான்

உயிர்த்த ஞாயிறு தாக்குதல்கள்

இதேவேளை உயிர்த்த ஞாயிறு தாக்குதல்கள் தொடர்பான விசாரணைகள் குறித்து, தன்னைக் கைது செய்வதை தடுக்கக் கோரி அண்மையில் வருண ஜயசுந்தர ரிட் மனுவொன்றை தாக்கல் செய்திருந்தார்.

இந்தநிலையில் வருண ஜயசுந்தரவைக் தற்போதைய கட்டத்தில் கைது செய்வதற்கு எவ்வித தீர்மானமும் எடுக்கப்படவில்லை என சட்டமா அதிபர் நீதிமன்றத்திற்கு அறிவித்ததை அடுத்து குறித்த மனு மீதான விசாரணைகளை நிறைவு செய்வதற்கு மேன்முறையீட்டு நீதிமன்றம் தீர்மானித்துள்ளது.