உத்தேச பயங்கரவாத எதிர்ப்பு சட்டமூலம் : மீளாய்வு செய்யுமாறு வலியுறுத்தும் ஐ.நா!

United Human Rights United Nations Sri Lanka Sri Lanka Prevention of Terrorism Act

By Eunice Ruth Jan 19, 2024 09:39 PM GMT

Eunice Ruth

in சமூகம்

Report

உத்தேச பயங்கரவாத எதிர்ப்பு சட்டமூலத்தை அரசாங்கம் மீளாய்வு செய்ய வேண்டும் என ஐக்கிய நாடுகள் மனித உரிமை பேரவை வேண்டுகோள் விடுத்துள்ளது.

அத்துடன், இலங்கையில் தற்போது நடைமுறையில் உள்ள மிகவும் ஆபத்தான பயங்கரவாத எதிர்ப்பு சட்டத்தை மாற்றீடு செய்வதற்காக அறிமுகப்படுத்தப்படவுள்ள பயங்கரவாத எதிர்ப்பு சட்ட மூலம் குறித்தும் அந்த பேரவை கரிசனை வெளியிட்டுள்ளது.

ஐக்கிய நாடுகள் மனித உரிமை பேரவை வெளியிட்டுள்ள அறிக்கையில் இந்த விடயம் குறிப்பிடப்பட்டுள்ளது.

பயங்கரவாத தடைச்சட்டம்

அந்த அறிக்கையில் மேலும் தெரிவித்துள்ளதாவது, “பயங்கரவாத தடைச்சட்டத்தை நீக்குவது இலங்கையின் உள்நாட்டு பாதுகாப்பிற்கான ஒரு அர்த்தமுள்ள சீர்திருத்தமாகயிருக்க வேண்டும்.

உத்தேச பயங்கரவாத எதிர்ப்பு சட்டமூலம் : மீளாய்வு செய்யுமாறு வலியுறுத்தும் ஐ.நா! | Sl Anti Terrorism Bill United Nations Human Rights

ஆனால் இந்த முன்மொழியப்பட்டுள்ள சட்டமூலமானது கடந்த காலத்தின் உரிமை மீறல் வடிவங்களையும் அதே ஆபத்தை கொண்டுள்ளது.

தற்போதைய உத்தேச பயங்கரவாத எதிர்ப்பு சட்டமூலம் கடந்த காலங்களில் விமர்சனத்தின் பின்னர் கைவிடப்பட்ட சட்ட மூலங்களிற்கு ஒப்பானது.

பயங்கரவாத எதிர்ப்பு சட்டம்

இது பயங்கரவாதம் என்பதற்கான வரைவிலக்கணங்களை மிகவும் பரந்துபட்டதாக வரையறுக்கின்றது.

நீதித்துறையின் உத்தரவாதங்களின் வரம்பை கட்டுப்படுத்துகின்றது.

குறிப்பாக சட்டபூர்வமற்ற தடுத்து வைத்தல் தொடர்பான நீதித்துறையின் உத்தரவாதங்களை கட்டுப்படுத்துகின்றது.

மனித உரிமை ஆணைக்குழு

இந்த சட்ட மூலம் கீழ் தடுத்துவைக்கப்பட்டுள்ளவர்களை மனித உரிமை ஆணைக்குழு பார்வையிடுவதை அந்த இடங்களிற்கு செல்வதை கட்டுப்படுத்துகின்றது.

தற்போதைய வடிவத்தில் இந்த சட்டமூலம் நிறைவேற்றப்பட்டால் அது உரிமைகளை கட்டுப்படுத்துவதற்கு அதிபருக்கு அதிகளவு அதிகாரங்களை வழங்கும்.

அதிகார துஸ்பிரயோகம்

மேலும், இத்தகைய அதிகாரங்களை துஸ்பிரயோகம் செய்வதை தடுப்பதற்கான பாதுகாப்புகள் இல்லை மேலும் பிடியாணை இன்றி பாதுகாப்பு படையினர் தனிநபர்களை கைது செய்வதற்கான ஆபத்து அதிகரிக்கும்.

இது குறித்த சட்ட அடிப்படைகளை உத்தேச சட்டமூலம் பலவீனப்படுத்தும். மேலும் இந்த சட்டமூலம் விசாரணைகளிற்கு முன்னர் நீண்டகாலம் தடுத்து வைப்பதற்கும் அனுமதிக்கும்” என குறிப்பிடப்பட்டுள்ளது.