மியன்மாரில் இருந்து நாடு கடத்தப்பட்ட இலங்கையர்கள்!
மியன்மாரில் (Myanmar) தடுத்து வைக்கப்பட்டிருந்த 15 இலங்கை (Sri Lanka) கடற்றொழிலாளர்கள் இன்று (11) கட்டுநாயக்க விமான நிலையத்தை வந்தடைந்துள்ளனர்.
மியன்மாரின் பாரம்பரிய புத்தாண்டை முன்னிட்டு அந்த நாட்டு சிறைச்சாலைகளில் தடுத்து வைக்கப்பட்டிருந்த இலங்கை கடற்றொழிலாளர்களுக்கு பொது மன்னிப்பு வழங்கப்பட்ட நிலையிலேயே, குறித்த தரப்பினர் இன்று நாடு கடத்தப்பட்டனர்.
எனினும், இலங்கையை வந்தடைந்த 15 கடற்றொழிலாளர்களும் கட்டுநாயக்க விமான நிலைய அதிகாரிகளால் கைது செய்யப்பட்டுள்ளனர்.
கைது நடவடிக்கை
இலங்கை கடற்றொழிலாளர்கள் 15 பேர் இரண்டு படகுகளுடன் கடந்த டிசம்பர் மாதம் 2 ஆம் திகதி மியான்மார் அதிகாரிகளால் கைது செய்யப்பட்டிருந்தனர்.
கட்டுனேரிய (Katuneriya), மாரவில (Marawila), உஸ்வட்டகெட்டியாவ (Uswetakeiyawa) மற்றும் குருணாகல் (Kurunegala) ஆகிய பிரதேசங்களைச் சேர்ந்த 18 முதல் 50 வயதுக்குட்பட்ட 15 இலங்கை கடற்றொழிலாளர்களே இவ்வாறாக கைது செய்யப்பட்டனர்.
இதையடுத்து, அவர்களுககு 7 ஆண்டு சிறைத் தண்டனை விதிக்கப்பட்டது. இந்த நிலையில், குறித்த தரப்பினருக்கு எதிரான வழக்கிலிருந்து அவர்களை விடுவிப்பது தொடர்பான பேச்சுவார்த்தைகளை மியன்மாருக்கான இலங்கைத் தூதுவர் ஜனக பண்டார (Janaka Bandara) அந்த நாட்டு உள்துறை அமைச்சுடன் தொடர்ந்து முன்னெடுத்து வந்தார்.
பொது மன்னிப்பு
இதையடுத்து, மியன்மாரில் கைது செய்யப்பட்டுள்ள இலங்கையர்களுக்கு பொது மன்னிப்பு வழங்க அந்த நாட்டு அரசாங்கம் தீர்மானித்தது.
இந்த நிலையில், இன்று இலங்கையை வந்தடைந்த 15 பேரும் கட்டுநாயக்க விமான நிலைய அதிகாரிகளால் கைது செய்யப்பட்டு பின்னர் நீர்கொழும்பு நீதவான் நீதிமன்றில் முன்னிலைப்படுத்தப்பட்டுள்ளனர்.
இதனை தொடர்ந்து, குறித்த தரப்பினரை பிணையில் விடுவித்து நீதவான் நீதிபதி உத்தரவு பிறப்பித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
தமிழர் தேசத்தை உலுக்கும் வீதி விபத்துக்கள்... 2 நாட்கள் முன்
இப்போதும் அகதிகளாகிக் கொண்டே இருக்கிறோம்…!
6 நாட்கள் முன்
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
புங்குடுதீவு 11ம் வட்டாரம், புங்குடுதீவு 1ம் வட்டாரம், கொட்டாஞ்சேனை
22 Jun, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
