அதிபர் தேர்தலை ஒத்திவைக்க முடியாது : விஜித ஹேரத் வலியுறுத்தல்
இலங்கையில் எந்தத் தேர்தலை ஒத்திவைத்தாலும் அதிபர் தேர்தலை ஒத்திவைக்க முடியாது என தேசிய மக்கள் சக்தியின் நாடாளுமன்ற உறுப்பினர் விஜித ஹேரத் தெரிவித்தார்.
இதேவேளை இந்த 8 மாதங்களுக்குள் ஏதும் மாற்றங்கள் இடம்பெறுமா என்று மக்கள் மத்தியில் சந்தேகம் நிலவுகின்றதாக அவர் மேலும் குறிப்பிட்டார்.
தேர்தல் பிரசாரத்தில் உரையாற்றும் போதே அவர் இவ்வாறு தெரிவித்தார். தொடர்ந்தும் அவர் தெரிவிக்கையில்
அதிபர் தேர்தல்
“எல்லோரும் கேட்கும் ஒரே கேள்வி தேர்தல் நடக்குமா என்பது தான். எந்தத் தேர்தலை ஒத்திவைத்தாலும் அதிபர் தேர்தலை ஒத்திவைக்க முடியாது.
இந்த 8 மாதங்களுக்குள் ஏதும் மாற்றங்கள் இடம்பெறுமா என்று மக்கள் மத்தியில் சந்தேகம் நிலவுகின்றது உண்மை. ஆனால் இந்த இந்த 8 மாதங்களுக்குள் எந்தப் பருப்பும் வேகாது.
வெற்றி குறித்து எமக்கு எந்தச் சந்தேகமும் இல்லை. நாம் வெற்றி அடைந்து விட்டோம், என்றாலும் மக்கள் எதிர்த்தரப்பினர் குறித்து சந்தேகத்துடன் இருக்கிறார்கள்.
ஒருவேளை அநுர குமார அவர்களுக்கு ஏதும் விளைவுகளை ஏற்படுத்தவும் கூடும் என்று, எல்லோரும் கூறுவது அநுரவை காப்பாற்றுங்கள் என்று தான். பாதுகாப்பினை பலப்படுத்தக் கோருகின்றனர். ஏன் மக்கள் அப்படிக் கூறுகிறார்கள் எதிரி குளம்பியுள்ளதை மக்கள் நன்கு புரிந்து விட்டனர்.
ரணில் விக்ரமசிங்க
ரணில் விக்ரமசிங்க, சஜித் பிரேமதாச, ஓய்வு பெற்ற சந்திரிக்கா வீட்டில் இருந்து ஓய்வூதியத்தை பெற்றுக் கொண்டு வீடு வாசல்களைப் பார்த்துக்கொண்டு இருக்க வேண்டியது தானே...அப்படியில்லை... எல்லா மூலைமுடுக்குகளிலும் கிசுகிசு, கலந்துரையாடல்களை வைக்கின்றனர்.
இப்போ அவருக்கு ரணிலுடன் இருக்கும் பழைய கோபதாபங்கள் எல்லாம் மறந்து விட்டது போல..மைத்திரியையும் வெறுத்திருந்தாரே.. இப்போ மைத்திரி உடனும் கசமுசா.. இப்போது அவருக்கு அத்தனகல்ல சிறிலங்கா சுதந்திரக் கட்சி ஞாபாகம் வந்துள்ளது.
ஜேவிபி ஆட்சிக்கு வருவதுதான் அவர்களது ஒட்டுமொத்த வகுப்பினதும் அதிகாரம் இல்லாமல் போகும் பயம் தான்“ எனத் தெரிவித்தார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பருத்தித்துறை, ஓமான், Oman, India, London, United Kingdom
06 Mar, 2024
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
