புகையிரத இயக்குனர்கள் பணிப்புறக்கணிப்பு குறித்து சந்திரசேன கண்டனம்
நாட்டில் ஒட்டுமொத்த மக்களும் பொருளாதார ரீதியில் பாதிக்கப்பட்டுள்ளார்கள். பாரிய பொருளாதார பாதிப்புக்கு மத்தியில் புகையிரத சாரதிகள் சங்கத்தினர் பதவி மற்றும் சம்பள உயர்வு கோரி பொறுப்பற்ற வகையில் போராட்டத்தில் ஈடுபடுவதாக நாடாளுமன்ற உறுப்பினர் எஸ்.எம்.சந்திரசேன தெரிவித்துள்ளார்.
கொழும்பில் உள்ள சிறிலங்கா பொதுஜன பெரமுன காரியாலயத்தில் இடம்பெற்ற ஊடகவியலாளர் சந்திப்பின் போதே அவர் மேற்கண்டவாறு குறிப்பிட்டுள்ளார்.
இவ்விடயம் தொடர்பில் மேலும் அவர் கருத்து தெரிவிக்கையில்,
பொறுப்புக்கூறல்
“புகையிரத சாரதிகள் சங்கத்தின் ஒரு தரப்பினரது பணிப்புறக்கணிப்பு போராட்டத்தால் பொதுபயணிகள் மிக மோசமாக பாதிக்கப்பட்டுள்ளார்கள்.
பல்கலைக்கழக மாணவர் ஒருவர் பரிதாபமாக உயிரிழந்துள்ளார்.
இந்த பணிப்புறக்கணிப்பு போராட்டத்தால் ஏற்படும் விளைவுகளுக்கு போராட்டத்தில் ஈடுபடும் சாரதிகள் பொறுப்புக் கூற வேண்டும்.
நாட்டில் தமக்கு மாத்திரம் தான் பொருளாதார பாதிப்பு உள்ளது என்று நினைத்துக் கொண்டு புகையிரத சாரதிகள் எவ்வித முன்னறிவிப்பும் இல்லாமல், பொறுப்பற்ற வகையில் பணிப்புறக்கணிப்பு போராட்டத்தில் ஈடுபடுகிறார்கள்.
ஆகவே நாட்டு மக்களை நெருக்கடிக்குள்ளாக்கும் தொழிற்சங்கங்களுக்கு எதிராக கடுமையான நடவடிக்கைகளை எடுக்க வேண்டும்.
அதற்கு கட்சி என்ற ரீதியில் முழுமையான ஒத்துழைப்பு வழங்குவோம்” என்றார்.
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
உடுவில் தெற்கு, Stuttgart, Germany, Scarborough, Canada
10 Jun, 2025
புங்குடுதீவு 7ம் வட்டாரம், London, United Kingdom
30 Jun, 2012
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
