ஸ்ரீலங்கா சுதந்திரக் கட்சியுடன் உடன்படிக்கை - அமைச்சர்களாகும் மற்றும் சிலர்?
ஸ்ரீலங்கா சுதந்திரக் கட்சியை சேர்ந்த மேலும் சிலருக்கு அமைச்சுப் பதவிகளை வழங்கவுள்ளதாக கூறப்படுகிறது.
அமைச்சர்களான விமல் வீரவன்ச மற்றும் உதய கம்மன்பில ஆகியோர் வகித்து வரும் அமைச்சுகளில் சில துறைகள் அவர்களிடம் இருந்து பறிக்கப்பட்டு, புதிய அமைச்சுக்களை உருவாக்கி ஸ்ரீலங்கா சுதந்திரக் கட்சியை சேர்ந்த சிலருக்கு அமைச்சுப் பதவிகளை வழங்க உள்ளதாக கூறப்படுகிறது.
பசில் ராஜபக்ச நிதியமைச்சராக பொறுப்பேற்ற பின்னர், நாட்டின் எதிர்கால அபிவிருத்தி மற்றும் பொருளாதார இலக்குகளை துரிதமாக அடையும் நோக்கில் அமைச்சரவையில் புதிய மாற்றங்கள் செய்யப்படவுள்ளன.
ஸ்ரீலங்கா சுதந்திரக் கட்சியுடன் ஏற்படுத்திக்கொண்ட இணக்கப்பாட்டு உடன்படிக்கைக்கு அமைய அவர்களுக்கு வழங்கப்பட வேண்டிய அமைச்சுப் பொறுப்புகளை புதிய அமைச்சரவை திருத்தின் போது வழங்குவது குறித்து அரசாங்கம் கவனம் செலுத்தியுள்ளது.
புதிய அமைச்சரவை மாற்றத்தின் போது சுகாதாரம், பொலிஸ், தொழில் மற்றும் கல்வி அமைச்சு ஆகியவற்றிலும் திருத்தங்கள் செய்யப்படவுள்ளதாக பேசப்படுகிறது.
புதிய அமைச்சரவை மாற்றத்தின் ஊடாக இளம் அமைச்சர்கள் அமைச்சரவைக்குள் வருவார்கள் என எதிர்பார்க்கப்படுகிறது.
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
