தமிழ் சமுகத்தை போதை மயப்படுத்த கொண்டுவரப்படும் கும்மாள நடிகைகள்
போருக்கு பின்னர் தமிழ் சமுகத்தில் இளைஞர்களை திட்டமிட்டு சீரழிக்கும் வகையில் போதைப்பொருட்கள் திட்டமிட்டு விநியோகிக்கப்படுகின்றன.இதனால் தமிழர் பகுதியில் தினம் தினம் போதை மருந்துக்கு அடிமையான இளைஞர்கள் செத்துக் கொண்டிருக்கின்றனர்.
இவ்வாறு அந்த போதையில் மூழ்கிய தமிழ் இளைஞர்கள் அதிலிருந்து விடுபட முடியாமல் திணறிக் கொண்டிருக்கின்றனர். இது பெரும் புற்றுநோய் போல் உருவெடுத்துள்ளது.
இந்த நிலையில் தமிழ் சமுகத்தை போதை மயப்படுத்தும் மற்றுமொரு சம்பவமாக தென்னிந்தியாவிலிருந்து கும்மாள நடிகைகள் கொண்டுவரப்படுகின்றனர்.
இவ்வாறு தமிழ்த் தேசியப் பசுமை இயக்கத்தின் தலைவர் பொ .ஐங்கரநேசன் காட்டமாக தெரிவித்துள்ளார் .
இந்தியாவில் இருந்து கும்மாள நடிகைகள்
கடந்த சனிக்கிழமை (24 ) மல்லாகத்தில் தமிழ்த் தேசியப் பசுமை இயக்கத்தின் பசுமை அறிவொளி நிகழ்ச்சி நடைபெற்றது. அந்த நிகழ்வில் உரையாற்றும் போதே பொ .ஐங்கரநேசன் மேற்கண்டவாறு தெரிவித்தார்.அவர் தனதுரையில் மேலும் தெரிவிக்கையில் ,
" எமது மக்களின் பொழுது போக்குக்காக என்று சொல்லி இந்தியாவில் இருந்து கும்மாள நடிகைகள் கூட்டிவரப்படுகின்றனர் . ரம்பா, ஊர்வசி, மேனகாக்களைக் கொண்டு முனிவர்களின் தவத்தைக் கலைத்த கதைகள் புராணங்களில் நிறைய உண்டு. இந்தக் கதைகள் இப்போது எம் கண்முன்னே அரங்கேறத் தொடங்கி உள்ளன.
கஞ்சாவும் மாவாவும் ஐஸும் கெரோயினும் மாத்திரம் போதைப்பொருட்கள் அல்ல. மதியை மயக்கும் எல்லாமே போதைகள்தான். அந்தவகையிலேயே, எமது இளைஞர்களை குறிவைத்து கும்மாள நடிகைகளின் களியாட்ட நிகழ்ச்சிகள் ஒழுங்கு செய்யப்படுகின்றன.
இவை தொடர்ந்து நிகழ்வதைத் தவிர்க்கும் முயற்சிகளில் தமிழ்ச் சமூகத்தின் நலனில் அக்கறையுள்ள அனைவரும் ஈடுபடவேண்டும். போரினால் பாதிக்கப்பட்ட எமது மக்களின் உள ஆற்றுப்படுத்தலுக்குப் பொழுது போக்குகள் அவசியம். ஆனால், அந்தப் பொழுதுபோக்குகள் பண்பாட்டுச் சீரழிவுக்கு வித்திடுவனவையாக இருக்கக் கூடாது.
பண்பாடு என்பது ஒரு இனத்துக்குத் தனித்துவமான ஒரு வாழ்க்கை முறை
பண்பாடு என்பது ஒரு இனத்துக்குத் தனித்துவமானது, அந்த இனம் தன்னை யார் என்று உணர்ந்து கொள்ளவும், மற்றவர்களுக்குத் தன்னை யார் என்று அடையாளப்படுத்தவும் கூடிய ஒரு வாழ்க்கை முறை.
இன ஒடுக்குமுறைகளுக்கு எதிராகப் போராடிக்கொண்டிருக்கின்ற நாம் எமது இனத்தின் பண்பாட்டு அடையாளங்களை எந்தக் கேளிக்கைளின் பொருட்டும் இழந்து விடக்கூடாது.
நாமும் நமக்கென்று பல கலைகளைக் கொண்டிருக்கிறோம். அவற்றை மேடையேற்ற உணர்வுள்ள பணம் படைத்தவர்கள் முன்வரவேண்டும் " என தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
