இலங்கையில் மீண்டும் ஏற்படவுள்ள அபாயம் - கொரோனாவின் புதிய திரிபு தொடர்பில் எச்சரிக்கை!

COVID-19 COVID-19 Vaccine Sri Lanka Dr. Asela Gunawardana

By Kalaimathy Jul 06, 2022 05:48 AM GMT

Kalaimathy

in சமூகம்

Report

நாட்டில் புதிய திரிபு கொரோனா வைரஸ் மீண்டும் பரவும் அபாயம் உள்ளதால், 4 தடுப்பூசிகளையும் உரிய வகையில் செலுத்திக்கொள்வதே, அதிலிருந்து விடுபடுவதற்கான சிறந்த வழியாகும் என சுகாதார சேவைகள் பணிப்பாளர் நாயகம் விசேட வைத்தியர் அசேல குணவர்தன தெரிவித்துள்ளார்.

அரசாங்க தகவல் திணைக்களத்தில் "கொவிட் தொற்று முடியவில்லை - 4 ஆவது தடுப்பூசியை பெறுவோம்" என்ற தொனிப்பொருளில் நேற்று இடம்பெற்ற செய்தியாளர் சந்திப்பில் கலந்துகொண்டு கருத்துத் தெரிவிக்கும் போதே அவர் இந்த விடயத்தை குறிப்பிட்டுள்ளார்.

இது தொடர்பில் அவர் தொடர்ந்தும் கருத்துத் தெரிவிக்கையில்,

தடுப்பூசியை சகல அரச வைத்தியசாலைகள், சுகாதார வைத்திய அதிகாரி காரியாலயங்கள் மற்றும் பெயரிடப்பட்டுள்ள தடுப்பூசி மையங்களிலும் செலுத்திக்கொள்ள முடியும்.

கொரோனா 4ஆம் தடுப்பூசியினை செலுத்திக்கொள்வதன் ஊடாக வைரஸ் தொற்றின் பாதிப்பினை குறைத்துக்கொள்ள முடியும் என்பதுடன், மரணம் ஏற்படும் அபாயத்திலிருந்து விடுபட முடியும் எனத் தெரிவித்துள்ளார்.

மேலும் உண்மையில் கொரோனாத் தொற்று முழுவதுமாக கட்டுப்பாட்டுக்குள் வரவில்லை. முதன்மை தடுப்பூசியை பெற்றவர்கள் மூன்றாவது பூஸ்டர் தடுப்பூசியையும் பெறுமாறு முன்னர் நாம் கூறியிருந்தோம்.

இவ்வாறு பூஸ்டர் தடுப்பூசியை பெற்றவர்களைதான் நாம் நான்காவது தடுப்பூசியையும் பெறுமாறு கேட்டுக்கொள்கிறோம்.

தற்போது இலங்கையினுள் 20 வயதுக்கும் அதிகமானோரில் நூற்றுக்கு 97 சதவீதமானவர்களுக்கு வெற்றிகரமாக முதன்மை தடுப்பூசி போடப்பட்டுள்ளது.

எனினும் பூஸ்டர் தடுப்பூசி நூற்றுக்கு 7.9 சதவீதமானவர்களுக்கு மாத்திரமே போடப்படடுள்ளது எனவும் அவர் தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்